Archive for ജൂണ്‍ 2009

ജനാധിപത്യത്തെ വ്യഭിചരിക്കുന്ന, കോൺഗ്രസ്സ്

ജൂണ്‍ 21, 2009

ചങ്ങനാശ്ശേരിയിൽ നിന്നു പറയുന്നത് അനുസരിക്കാൻ നായന്മാർ തീരുമാനിച്ചാൽ അതുമാത്രമേ കേരളത്തിൽ നടപ്പാകുകയുള്ളു. എന്ന് ആക്രോശിക്കുന്ന നിയമസഭാ സാമാജികന്മാർ ജനാധിപത്യത്തിന് തന്നെ അപമാനമാണ്. അത്തരം ജൽപ്പനങ്ങളുടെ തുടർ വർത്തമാനം ആണ് കോൺഗ്രസ്സ് എന്ന ദേശീയ കക്ഷിക്ക് ഒരു ജാതി സംഘടനയുടെ അന്ത്യശാസനത്തിൽ എത്തിച്ചത്. കുഞ്ഞുഞ്ഞുന്റെയും, ചെന്നിത്തലയുടേയും മുട്ടിടിച്ചു, ഇടിക്കണമല്ലോ, അങ്ങനല്ലെ സംഗതികളുടെ കിടപ്പ്, നാത്തൂന്റെ കണ്ണീർ കാണാൻ ആങ്ങളയെ കുരുതികൊടുക്കാനും തയ്യാറാവുന്ന കോൺഗ്രസ്സിന്റെ രാഷ്ട്രീയ വ്യഭിചാരം അതിന്റെ ശിക്ഷഎന്നോണം ഇത്തരം ശനിപാതങ്ങൾ തലയിൽ പതിക്കുന്നത്, ലോക്സഭാതിരഞ്ഞെടുപ്പ് നിശബ്ദമായ രണ്ടാം വിമോചനസമരം ആണെന്ന് ഉദ്ഘോഷിക്കാൻ യാതൊരു ഉളുപ്പിമില്ലായിരുന്നു ഉഞ്ഞൂഞ്ഞിന്, സാമുതായിക സംഘടനകളുടെ കാൽനക്കാൻ നടക്കുന്ന അല്പ്ന്മാർകിട്ടാവുന്ന മിനിമം ഡോസ് ആണ് സുകുമാരൻ നായരും, പണിക്കർ സാറും നൽകിയത്. തമിഴ്നാട്ടിൽ പയറ്റിത്തെളിഞ്ഞ ജാതികച്ചി കളി കേരളത്തിലും പിറവി എടുക്കുന്നത് കാണുമ്പോൾ ജനാധിപത്യ കേരളം പാതാളം വരെ താഴുന്നു. നായരുടെ വോട്ട് കാണിച്ച് ഉമ്മാക്കി കാണിക്കുന്ന, പണിക്കർ സാറും, ഈഴവനെ തോളിലേറ്റി എത്തുന്ന നടേശൻ ചേട്ടനും, കുഞ്ഞാടുകളെ കോർത്തിണക്കി വിമോചന സമരാഭാസത്തിന് മുതിരുന്ന പാതിരിപടയും ജാതികച്ചിയുടെ നൂതന ഭാവങ്ങൾ തന്നെ മുഹമ്മദീയൻ പിന്നെ പല തട്ടിലാണ്, അവരും സമ്മർദ്ധ രാഷ്ട്രീയത്തിന് കൊടിപിടിക്കുന്നു.

ഒരു ദേശീയ പാർട്ടിയുടെ സ്ഥാനാർത്ഥിയെ നിർണ്ണയിക്കുന്നത്, ഒരു ജാതി സംഘടന ആവുക ആ പാർട്ടിയുടെ മന്ത്രി ആരാകണം എന്ന് നിശ്ചയിക്കുന്നത് ഒരു ജാതി സംഘടനയുടെ ജനറൽ ബോർഡ് ആവുക, അല്ലെങ്കിൽ അരമനയിൽ തീരുമാനം എടുക്കപ്പെടുക ഇതൊക്കെ ഒരു ജനാധിപത്യ ഭരണ സംവിധാനത്തിൽ ശ്ലാഖനീയമോ ?

ഓരോ പാർട്ടിയേയും അവരുടെ പ്രധിനിത്യം എങ്ങനെ കാണുന്നു എന്ന വിലയിരുത്തലും നടുക്കം ഉളവാക്കുന്നതാണ്. എൽ.ഡി.എഫ്.-ൽ 6 നായർ മന്ത്രിമാർ ? എന്നാണ് എൻ.എസ്.എസ് ന്റെ കണ്ടെത്തൽ, ഡെൽഹിക്കാരനായ ശശിതരൂർ എന്ന നായർ ഇറക്കുമതി ചെയ്ത നായർ ആണത്രെ ! അത് ചങ്ങനാശ്ശേരിയിലെ തമ്പുരാക്കന്മാർക്ക് സ്വീകാര്യമല്ലത്രെ. ഇനി എന്താണാവോ ഒത്തുതീർപ്പ് ഫോർമുല ? ഒരു റീ ഇലക്ഷൻ, നായർ പ്രാതിനിത്യം കൂട്ടിക്കൊണ്ടോ മറ്റോ, പറയാൻ പറ്റില്ല ഭരിക്കുന്നത് കോൺഗ്രസ്സല്ലെ, എന്തും ചെയ്യാൻ മടിക്കാത്ത ആധർശ ധീരന്മാർ.

അല്പം ഭയത്തോടും, ഒപ്പം അത്ഭുതത്തോടും കണുന്ന കാര്യം ഈ നായന്മാർ ആയിട്ടുള്ള മന്ത്രി മാരെ കിട്ടിയാൽ എൻ.എസ്.എസ് എന്ത് നീക്കമായിരിക്കും ചെയ്യുക ഈ പോസ്റ്റിലെ ആദ്യ വാചകം ഇത് പറഞ്ഞത് മുൻ മന്ത്രിയും, കേരളകോൺഗ്രസ്സ് ബി വിഭാഗം തലവനുമായ ബാലകൃഷ്ണ പിള്ളയാണ് മറ്റൊരു ബല്ല്യ നായര്. ശ്രീ. പണിക്കരുടേയും, രാമൻ നായരുടേയും ഈ കസേര പ്രേമം കാണുമ്പോൾ കഴിഞ്ഞ കാലഘട്ടത്തിലെ നായർ മന്ത്രിമാരുടെ പ്രവർത്തനങ്ങളെ സംശയിക്കേണ്ടി വരുന്നു, അവിഹിത മാർഗ്ഗത്തിലൂടെ നായർ സമുദായത്തിന്റെ സ്ഥാപനങ്ങൾക്കോ നായർ ആയിട്ടുള്ള വ്യക്തികൾക്കോ സ്വജന പക്ഷാപാതം എന്ന ജനാധിപത്യത്തിൽ അനുവദനീയമല്ലാത്ത, സത്യപ്രതിജ്ഞാ ലംങ്കനത്തിന്റെ കറുത്ത പിൻപറ്റ് കഥകൾ പുറത്തുവരാനുണ്ടോ എന്നതാണ്. ഈ സംശയത്തിന് കാരണം ഈ ആവശ്യം ഉന്നയിച്ചത് മറ്റ് ജാതി മത സ്ഥാപനങ്ങളും രംഗത്ത് ഉണ്ട് എന്നതാണ് ശർക്കരക്കുടമല്ലെ തരം കിട്ടിയാൽ ഇറങ്ങി ഇരുന്നു നക്കാം എന്ന് കരുതിയിരിക്കാം….

Advertisements

ഇടതുപക്ഷത്തിന്റെ ദോഷങ്ങൾ സംഗീതിന്റെ കാഴ്ച്ചപ്പാടും അതുയർത്തുന്ന ചോദ്യങ്ങളും.

ജൂണ്‍ 16, 2009

സത “എഴുതുന്ന” കാര്യങ്ങളെ പ്രതിരോധിക്കുക എന്ന ദൌത്യം ഒന്നും ആരും ഏൽ‌പ്പിച്ചിട്ടില്ല എങ്കിലും, കമ്മ്യൂണിസ്റ്റ് ചിന്തകൾ എന്റെ ജീവിതത്തിൽ ഒഴിച്ചുകൂടാത്തതാണ് എന്ന് ഞാൻ വിശ്വസിക്കുന്നതു കൊണ്ട് ഇത്തരം ആക്ഷേപങ്ങളെ കണ്ടില്ല എന്ന് നടിക്കാനാവുന്നില്ല. ഇടതുചിന്താഗതിയിലെ കുഴപ്പങ്ങൾ, അത് കുഴപ്പങ്ങൾ ആണെങ്കിൽ തീർച്ചയായും തിരുത്തപ്പെടേണ്ടതാണ്. ഇതിന് പ്രധാനമായും അറിഞ്ഞിരിക്കേണ്ടത്, ഇടതുപക്ഷപാർട്ടികൾ അല്ലെങ്കിൽ കമ്മ്യൂണീസ്റ്റ് ആഭിമുഖ്യമുള്ള പാർട്ടികൾ പ്രവർത്തിക്കുന്നത് ഇന്ത്യയുടെ രാഷ്ട്രീയ സാഹചര്യങ്ങളിൽ നിന്നുകൊണ്ടാണ്. അതായത് റഷ്യൻ കമ്മ്യൂണിസ്റ്റ് പാർട്ടിയുടെ അല്ലെങ്കിൽ ചൈനീസ് കമ്മ്യൂണിസ്റ്റ് പാർട്ടിയുടെ  പ്രവർത്തനങ്ങളുമായി താരതമ്യം ചെയൂക സധ്യമല്ല എന്ന് ചുരുക്കം.

1. അമിത രാഷ്ട്രീയവല്‍ക്കരണം

ഇവിടെ സത കാടടച്ച് വെടിവയ്ക്കുക എന്ന തന്ത്രമാണ് ഉപയൊഗിച്ചത് അല്ലെങ്കിൽ ഈ വിഷയത്തിലുള്ള തന്റെ അറിവില്ലായ്മ മൂടിവയ്ക്കാൻ നോക്കുന്നു. ഇത്രയും പറഞ്ഞ സ്ഥിതിക്ക് കേരളത്തിലെ ഏതൊക്കെ സംഭവങ്ങൾ, “അമിത” രാഷ്ട്രീയ വൽക്കരണത്തിന് ഇര ആയിട്ടുണ്ട്, എന്നുകൂടെ പറയാൻ താങ്കൾ ബാധ്യസ്ഥനാണ്.

കൂത്തുപറമ്പ് വെടിവയ്പ്പ്. ?

മാറാട് കലാപങ്ങൾ,?

സ്വാശ്രയപ്രശ്നം ?

പാമോയിൽ കേസ്.

കശുവണ്ടിക്കേസ്,

ബാലകൃഷ്ണപിള്ളയ്ക്കും ടി.എം ജേക്കബിനും എതിരെ ഉള്ള കേസ്സുകൾ.

ഇങ്ങനെ ഉദാഹരണ സഹിതം പറയുക അല്ലാതെ, ബാറ്റൺ ബോസ്സ് നോവൽ എഴുതുന്നതു പോലെ ആവരുത് ആക്ഷേപങ്ങൾ, താങ്കളുടെ തുടർന്നുള്ള ലേഖനങ്ങളിൽ ഇത്തരം പോരായ്മകൾ നികത്തും എന്ന് കരുതുന്നു.

ഉദാഹരണത്തിന് ഒരു ക്രിസ്ത്യന്‍-മുസ്ലിം പള്ളി അക്ക്രമിക്കപ്പെട്ടാല്‍ ഉടന്‍ അത് ഹിന്ദുക്കള്‍ ആണെന്ന് വരുത്തി തീര്‍ക്കാന്‍ ശ്രമിക്കുന്നു……

ഏതാണ് ഈ പള്ളിയും സംഭവും ?

വ്യക്തികള്‍ തമ്മിലുള്ള കലഹങ്ങള്‍ പോലും രാഷ്ട്രീയതിലോട്ടു വലിച്ചിഴച്ചു കീറിമുറിക്കും

“ഗുരു“ സിനിമ കണ്ടിട്ട് ഇതാണ് മാറാട് കലാപം എന്ന് സത ധരിച്ചുവച്ചിരിക്കുന്നത് പോലെ തോന്നുന്നു!?

ഒരു കോളേജില്‍ ഒരു പരിഷ്കരണം ഏര്‍പ്പെടുത്തിയാല്‍ അതിനെ തെരുവിലോട്ടു വലിച്ചിഴക്കുന്ന രീതി, വ്യക്തികളെ, ഉദ്യോഗസ്ഥരെ അവഹേളിക്കുക തുടെങ്ങിയവ…..

യോഗ്യരല്ലാത്ത വിദ്യാർത്ഥികൾക്ക് പ്രവേശനം നൽകി പ്രശ്നമാകുമ്പോൾ കോടതിയിൽ നേരിട്ടോ എന്ന് വിദ്യാർത്ഥികളെ ഉപദേശിക്കുന്ന പുഷ്പഗിരിപോലുള്ള കോളേജുകളിലെ പരിഷ്ക്കരണമാണോ   സത ഉദ്ദേശിച്ചത് ?!!!

കഴിഞ്ഞ കുറെ കാലങ്ങാളായി കേരളത്തിൽ ഉണ്ടായിട്ടുള്ള പ്രസക്തമായ സംഭവ വികാസങ്ങളിൽ പാർട്ടി എടുത്തിട്ടുള്ള നിലപാടുകൾ താങ്കളുടെ “അമിത” പ്രയോഗത്തിന്റെ ശ്രേണിയിൽ വരും എന്ന് ഞാൻ കരുതുന്നില്ല. തെറ്റായ നിലപാടുകൾ സ്വീകരിച്ചപ്പോൾ ഒക്കെതന്നെ അതിനെ ശക്തമായ ഭാഷയിൽ എതിർത്തിട്ടുമുണ്ട്. താങ്കളുടെ ആരോപണത്തിൽ ഒരു അവ്യക്തത ഉള്ളതിനാൽ വിശധീകരിക്കുക പ്രയാസമാണ്.

2.സ്വന്തം ആശയങ്ങള്‍ മാത്രമാണ് ശരി എന്നു കടും പിടുത്തം (സെമിടിക്‌ മതങ്ങളിലെ രീതി)

ഒരു പ്രശ്നത്തിന് പല പരിഹാരങ്ങള്‍ ഉണ്ടെന്നിരിക്കെ, തങ്ങള്‍ മുന്നോട്ടു വയ്ക്കുന്നത് മാത്രമാണ് പോംവഴി എന്നു കരുതുകയും പ്രശ്നപരിഹാരത്തിന് മറ്റു വഴികള്‍ തേടുന്നവരെ അവഹേളിക്കുകയും ചെയ്യുന്നു……

ഇതിലും സത എന്താണ് പറയാൻ ഉദ്ദേശിക്കുന്നത് വ്യക്തമാക്കുക. ഇടതു ചിന്താഗതിയിൽ വഴിമുട്ടിയ ആ ആശയം ഇവിടെ ഉദാഹരണ സഹിതം പറയുക എന്നിട്ടാവാം പ്രതികരണം. സമരത്തിന്റെ രീതി ആണെങ്കിൽ ചില സമര മുറകളിൽ വിയോജിപ്പുണ്ട്, അത് സംഘപരിവാർ നടത്തിയാലും, സി.പി.എം ആയാലൂം ആര് നടത്തിയാലും അങ്ങനെ തന്നെ തുടരും. പൊതുമുതൽ നശിപ്പിക്കുന്ന സമരങ്ങൾ, പൊതുജനത്തിന്റെ നേരെ അക്രമം കാട്ടുന്ന സമരമുറകൾ എന്നിവ ഒരു ഇന്ത്യൻ പൌരൻ എന്ന നിലയിലും ഒരു കമ്മ്യൂണിസ്റ്റ് എന്ന നിലയിലും അംഗീകരിക്കുന്നില്ല..

പുതിയ കാലഘട്ടത്തിലെ മാറ്റങ്ങള്‍ക്കനുസരിച്ച് ചിന്തിയ്ക്കാന്‍ വിമുഖത കാണിക്കുന്നു………………..

ഇതും താങ്കൾ ആരുടേയൊ രാഷ്ട്രീയ വാക്കുകൾ കടമെടുത്തതാണ്.  വികസനം എന്നത് സ്വന്തം വീട് വികസിക്കണം എന്ന സ്വാർത്ഥതയിൽ നിന്നും ഉടലെടുക്കുന്നതാകരുത്. അതിൽ ആത്യന്തികലക്ഷ്യം സമൂഹത്തിന്റെ സമഗ്രവികസനമാവണം. കാലത്തിന്റെ മാറ്റത്തിനനുസരിച്ച് പാർട്ടി ചിന്തിക്കുന്നില്ല എന്ന് താങ്കൾക്ക് എങ്ങനെ വിലയിരുത്താൻ കഴിഞ്ഞു, ?? കൊയ്ത്തെന്ത്രവും, കമ്പ്യൂട്ടർ വൽക്കരണവും ആണ് താങ്കൾ ഉദ്ദേശിക്കുന്നതെങ്കിൽ താങ്കൾ ഉൾക്കാഴ്ച്ചയില്ലാതെ സംസാരിക്കൂന്നു എന്ന് വിചാരിക്കേണ്ടിവരും. ഇതിൽ എന്റെ അഭിപ്രായം ഇവിടെ എന്റെ കമന്റിൽ പറഞ്ഞിട്ടുണ്ട് വായിക്കുക. അതല്ല സ്മാർട്ട് സിറ്റി ആണ് ഉദ്ദേശ്ശിക്കുന്നതെങ്കിൽ രണ്ട് കാലഘട്ടത്തിലും ഏർപ്പെട്ട കരാറിന്റെ ഡീറ്റയിത്സ് പരിശോദിച്ച് വിലയിരുത്തുക എന്നിട്ട് കമന്റ്‌!

3.ലക്ഷ്യത്തില്‍ എത്തിച്ചേരാന്‍ ഏത് അധാര്‍മ്മിക മാര്‍ഗങ്ങളും ഉപയോഗിക്കുന്ന

(സി പി എം ഇതെല്ലാം ചെയ്യുന്നു എന്നു തെറ്റിദ്ധരിക്കരുതേ..). ഓരോ ഇടതു പ്രസ്ഥാനവും അവരുടെ തീവ്രതക്കനുസരിച്ചു ഇതില്‍ ഓരോന്ന് ചൂസ് ചെയ്യുന്നു….

ഉത്തരവും താങ്കൾ തന്നെ പറഞ്ഞ്തിനാൽ, എനിക്ക് ഒരു ചോദ്യം മാത്രമേ ഇതിലുള്ളു.  അതായത്  അർ.എസ്സ്.എസ്സ് ഉം, സംഘപരിവാരികളും,ശിവസേനയും.ബി.ജെ.പി യും ബജ്രംഗ്‌ദളും ഒക്കെ എന്നാണ് ഇടതുപക്ഷ പ്രസ്ഥാനമായത് ? താങ്കൾ വിവരിച്ച മഹത് കർമ്മങ്ങൾ ഒന്നിലേറെ തവണ പരീക്ഷിക്കാത്ത ഏതെങ്കിലും പ്രസ്ഥാനം ഉണ്ടോ മുകളിൽ പറഞ്ഞ പേരുകളിൽ, ഉദാഹരണം വേണോ. പിതൃത്വംസഹിതം പറയാം

മണ്ണിന്മക്കൾ വാദം-ശിവസേന ബാൽതാക്കറെ

ഉത്തരേന്ത്യക്കാർക്കേതിരെ ഉള്ള പ്രാദേശികവാദത്തിന്റെ അക്രമം- നവനിർമ്മാൺസേന രാജ് താക്കറെ

ഒറീസ്സ കലാപം‌- ബി.ജേ.പി യുടെ സകല അലമ്പ് സപ്പോർട്ടർമാരും (മുകളിൽ പറഞ്ഞ സകല പാർട്ടികളും സംഘടനകളും)

ഗുജറാത്ത് കലാപം‌- മുകളിൽ പറഞ്ഞതുതന്നെ.

ബാബറി മസ്ജിത് പൊളിച്ചതിന്റെ അനുബന്ധകലാപം‌ –മുകളിൽ പറഞ്ഞത്തന്നെ

ഇന്നലെ വരെ ഉള്ള കാര്യങ്ങൾ പരതിയാൽ കൂടെ എഴുതാൻ പേന‌ഉന്തികളെ വയ്ക്കെണ്ടിവരും. ഞാൻ ഈ ചൂണ്ടിക്കാണിച്ചവയിൽ താങ്കൾക്ക് എന്തെങ്കിലും ആക്ഷേപം ഉണ്ടെങ്കിൽ കാര്യകാരണ സഹിതം എഴുതുക നമുക്ക് അതേകുറിച്ച് പഠിക്കാം

സ്വന്തമായി മറ്റുള്ളവരുടെ ആശയങ്ങള്‍ക്ക് നിര്‍വ്വചനങ്ങള്‍ നല്‍കി അപകീര്‍ത്തിപ്പെടുത്തുന്നു.. അങ്ങനെ കുല്‍സിതമായി ലേബല്‍ നല്‍കുന്നു…………………

ഇത് കമ്മ്യൂണിസ്റ്റ് പാർട്ടികളുടെ കുഴപ്പമല്ല. താങ്കൾ തിരഞ്ഞെടുക്കുന്ന ആശയങ്ങളുടെ പോരായമയാണ് അല്ലെങ്കിൽ സങ്കുചിത കാഴ്ച്ചപാടാണ് ഉദാഹരണം ബാബറി മസ്ജിത്- രാമക്ഷേത്ര വിവാദം…. ഏതെങ്കിലും കാലത്ത് ആർക്കെങ്കിലും അനുകൂലിക്കാവുന്നവ ആണോ പരിവാരികൾ ഉൾപ്പെടുന്ന “പുതിയ കാലഘട്ടത്തിലെ മാറ്റങ്ങള്‍ക്കനുസരിച്ച്“ ചിന്തിക്കുന്നവർ കാട്ടിക്കൂട്ടുന്നത്. എൽ.കെ അദ്വാനി എന്തുകൊണ്ട് രാമനെ ഉപേക്ഷിച്ചു? , ഉത്തരം വ്യക്തമല്ലെ മൂല്ല്യശോഷണം വന്ന ചിന്തകൾ തന്നെ എന്ന തിരിച്ചറിവ് കൊണ്ടാണെന്ന്. ഭഗവ്ത് ഗീത സത വായിച്ചിട്ടുണ്ടോ ? ഭഗവാൻ ശ്രീകൃഷ്ണൻ അർജ്ജുനനോട് പറഞ്ഞ വരികൾ ഓർക്കുക. വായിച്ചിട്ടില്ല എങ്കിൽ ലിങ്ക് തരാം..

സോഷ്യലിസ്സം എന്ന അന്തിമ അവസ്ഥയിലേയ്ക്കാണ് കമ്മ്യൂണിസ്റ്റുകളുടെ പ്രയാണം, വാക്കിനെ വാക്കുകൊണ്ടും, ആയുധത്തെ ആയുധം കൊണ്ടും എതിർത്തതാണ് കമ്മ്യൂണിസ്റ്റുകളുടെ ചരിത്രം. സൊഷ്യലിസ്സം എന്നത് ലോകത്തിൽ ഇതുവരെ പൂർണ്ണമായും പ്രാവർത്തികമാക്കാൻ കഴിഞ്ഞിട്ടില്ലാത്ത ഒന്നാണ് സോവൈറ്റ് റെഷ്യയും, ചൈനയും,ക്യൂബയുമൊക്കെ അതിൽ ഏറെ മുന്നേറുകയും ചെയ്തു. ഹൈന്ദവ ചിന്താധാര ശ്രേഷ്ട്മാണ് എന്ന് ഉയർത്തികാട്ടുന്ന താങ്കൾ ധർമ്മ അധർമ്മത്തെ ഏത് തുലാസ്സിൽ തൂക്കുന്നു ? ഗുരുവിന്റെ നെഞ്ചിൻ കൂട് തകർക്കാൻ അർജ്ജുനനെ ഏത് ധർമ്മം അനുവദിച്ചു,  ഗുരുപുത്രൻ വധിക്കപ്പെട്ടു എന്ന് പറയാൻ യുധിഷ്ടിരൻ അധർമ്മി ആയിരുന്നോ ? സത, സാഹചര്യങ്ങൾ ആണ് ധർമ്മാധർമ്മങ്ങൾ നിശ്ചയിക്കുന്നത്. ചിലപ്പോൾ ചില അധർമ്മങ്ങളിലൂടെ ധർമ്മത്തെ പുസ്ഥാപിക്കാനാവു.  “….ധർമ്മ സംസ്ഥാപനാർത്ഥായ സംഭവാമി, യുഗേ യുഗേ “ ഇത് രാമാന്ദസാഗർ കൂലി എഴുത്തുകാരെ കൊണ്ട് എഴുതിച്ചതല്ല എന്ന് മനസ്സിലാക്കുക.

4. ഈ ആശയങ്ങളുടെ മറ്റൊരു രീതി തീവ്രവാദം ആണ്

അതെ, ഈ ആശയങ്ങള്‍ തീവ്രമായി, പല വ്യക്തികളും,…….

ഉണ്ടാവാം ഇല്ല എന്ന് പറയുന്നില്ല, പ്ക്ഷേ തീവ്രവാദത്തെ പ്രത്യക്ഷമായോ പരോക്ഷമായോ സഹായിക്കുന്നതോ, പൊക്കിപ്പറയുന്നതോ സി.പി.എം ന്റെ നയമല്ല അങ്ങനായിരുന്നെങ്കിൽ വെള്ളത്തൂവൽ സ്റ്റീഫൻ കൊല്ലപ്പെടുകയില്ലായിരുന്നു,  കേരളത്തിലെ നക്സ്സൽ പ്രസ്ഥാനത്തെ ഏതെങ്കിലും തരത്തിൽ സഹായിക്കൻ പാർട്ടി ശ്രിച്ചിട്ടില്ല ശ്രമിക്കുകയുമില്ല. കെ.വേണുവുനോടും, ശ്രീമതി അജിതയോടുമൊക്കെ ഇതെ കുറിച്ച് താങ്കൾക്ക് ചോദിച്ചറിയാവുന്നതാണ്. നാല് ജ്ന്മിമാരുടെ തലയറുത്താൽ സൊഷ്യലിസ്സം വന്നു എന്ന് ധരിക്കാനും മാത്രം അല്പന്മാരല്ല സി.പി.എം ലെ പ്രവർത്തകർ.

അധികാരം പിടിച്ചെടുക്കല്‍,…….. സത പറഞ്ഞതിലെ ഈ ഒരുകാര്യം കാലത്തിന്റെ അനിവാര്യതയാണ്, കമ്മ്യൂണിസ്റ്റ് വിപ്ലവങ്ങൾ ഒക്കെ നടത്തപ്പെട്ടത് ഈ പിടിച്ചെടുക്കലിനും, അതിനുശേഷമുള്ള പൊളിച്ചടുക്കലിനും വേണ്ടി ആരിരുന്നു. ഈ വിപ്ലവങ്ങൾ നടന്ന കാലഘട്ടത്തെക്കുറിച്ച് വായിച്ചാൽ, ലെനിൻ, സ്റ്റാലിൻ, ഫിദറൽ കാസ്ട്രോ, ചെഗുവേര, മാവോ തുടങ്ങിയ കമ്മ്യൂണിസ്റ്റ് നേതാക്കൾ, സായുധ അട്ടിമറിയിലൂടെ ആണ് അവിടൊക്കെ കമ്മ്യൂണിസ്റ്റ് ഭരണ സംവിധാനം ഏർപ്പെടുത്തിയത്. ഇതിന്റെ ഗുണദോഷവശങ്ങളെ ഇവിടെ പ്രതിപാതിക്കാൻ തൽക്കാലം ഞാൻ ആഗ്രഹിക്കുന്നില്ല.ലോകത്ത് എന്നും നിലനിന്നിരുന്ന നിലനിൽക്കുന്ന രാഷ്ട്രതന്ത്രമെ ഇതിനും പിന്നിലുള്ളു.

5.ജനാധിപത്യത്തില്‍ അധിഷ്ടിതം അല്ല ഏകാധിപത്യ പ്രവണത

നിയമം കയ്യിലെടുക്കുക,………

നിയമം കയ്യിലെടുക്കുന്നത് അനാശാസ്യമാണ്. അത് ആരു ചെയ്താലും.ഹെൽമറ്റ് വേട്ടയ്ക്ക്പോകുന്ന പോലീസ്കാരന്റെ തലയിൽ ഹെൽമെറ്റ് ഇല്ലെങ്കിൽ അത് നിയമലങ്കനം അല്ലെ സത ?  ഒരു കുറ്റവാളിയെ അറസ്റ്റ് ചെയ്യണമെങ്കിൽ അതിന് ചില നിയമ നടപടികളൊക്കെ ഉണ്ട് അത് പാലിക്കപ്പെടാത്തപ്പോൾ അത് നിയം ലംങ്കനമല്ലെ സത ? കുറ്റം ആരോപിക്കപ്പെട്ട വ്യക്തിയെ ശാരിരികമായോ മാനസികമായോ പീഠിപ്പിക്കാൻ പോലീസ്സിന് എന്ത് അവകാശമാണുള്ളത്, അങ്ങനെ ചെയ്താൽ അത് നിയമലങ്കനമല്ലെ സത? ഈ നിയമ ലങ്കനം തന്നെ അല്ലെ നിയമം കയ്യിലെടുക്കുക എന്ന് പറയുന്നതും, അതോ അത് വേറേ “സാധനം” വല്ലതുമാണോ, സഖാക്കൾ എവിടെ എങ്കിലും നിയമം ലങ്കിച്ചിട്ടുണ്ടെങ്കിൽ അതിന് പിന്നിൽ നിരന്തരമായ നിയമനിഷേധത്തിന്റെ മുഖമുണ്ടായിരിക്കും. കുറച്ച് കാലം സത പിന്നോട്ട് നടന്നാൽ ഇത് കാണാൻ കഴിയും വ്യക്തമായി, കരിവള്ളൂരിലും, വയലാറിലും ഒക്കെ. പോലീസ്സ്റ്റേഷൻ ആക്രമിച്ചു എന്നൊക്കെ പറയുന്നത് മനോരമയുടെ ജേർണലിസ്സം അല്ലെ മാഷെ അതൊക്കെ വിട്ടുകള. തല്ലിയാൽ തിരിച്ച് തല്ലുക എന്നത് സതയുടെ ഭാഷയിൽ പറഞ്ഞാൽ “സ്വാഭാവിക പ്രതികരണമല്ലെ” RSS ന് ഒരു പ്രതികരണവും CPM ന്ന് വേറൊരു പ്രതികരണവും,  അതിൽ ഒരു അയുക്തികതയില്ലെ സത, സംയമനം പാലിക്കുന്നിടത്ത് എന്നും CPM സംയമനം പാലിച്ചിട്ടുണ്ട് അത് തുടരുകയും ചെയ്യും. ഗുണ്ടായിസം  ആണെന്നും ഏകാതിപത്യപരമാണെന്നും ചുമ്മാതങ്ങ് പറയല്ലെ മാഷെ അതും ഈ കാലത്ത്.

6.സാധാരണ ജനത്തിന് സ്വാതന്ത്ര്യം നിഷേധിക്കപ്പെടുന്നു

ഇടതുപക്ഷപാർട്ടികൾ അല്ലെങ്കിൽ കമ്മ്യൂണീസ്റ്റ് ആഭിമുഖ്യമുള്ള ഇന്ത്യയിലെ പാർട്ടികൾ പ്രവർത്തിക്കുന്നത് ഇന്ത്യയുടെ രാഷ്ട്രീയ സാഹചര്യങ്ങളിൽ നിന്നുകൊണ്ടാണ്. അതായത് റഷ്യൻ കമ്മ്യൂണിസ്റ്റ് പാർട്ടിയുടെ അല്ലെങ്കിൽ ചൈനീസ് കമ്മ്യൂണിസ്റ്റ് പാർട്ടിയുടെ  പ്രവർത്തനങ്ങളുമായി താരതമ്യം ചെയൂക സധ്യമല്ല എന്ന് ചുരുക്കം.പിന്നെ സതയുട “അവലോകനം“ എനിക്ക് പിടിച്ചു. അടിമത്തത്തിലാണല്ലോ വ്യക്തി സ്വാതന്ത്രം ഹനിക്കപ്പെടുന്നത്, ഏഷ്യൻ രാജയങ്ങളിൽ ഏറ്റവും അധികം പണം വിദേശത്ത് ജോലിചെയ്ത് സമ്പാദിച്ചത് ചൈനാക്കാർ ആണ് അതിന് ശേഷം, ഇന്ത്യ. കൃത്യമായ് കണക്ക് തരാൻ ഇപ്പോൾ മാർഗ്ഗമില്ല എതെങ്കിലും ലിങ്ക് കിട്ടിയാൽ തരാം. കുറേ അടിമികളെ പണംസമ്പാതിക്കാൻ കമ്മ്യൂണിസ്റ്റ് രാജ്യങ്ങൾ നിന്നും കയറ്റി അയച്ചു എന്നാണോ സത പറഞ്ഞവരുന്നത് ? സത, ഉത്തര കൊറിയക്കാരെ മിഡിൽ ഈസ്റ്റിൽ കണ്ടിട്ടില്ലെ ? ഇല്ലെങ്കിൽ വാ. കുവൈറ്റിൽ ഞാൻ കാട്ടിത്തരാം ആയിരങ്ങളെ. ചൈനയിലും ഉത്തരകൊറിയയിലും സ്വർഗ്ഗമാണ് എന്ന് ഞാൻ ധരിച്ച് വച്ചിട്ടില്ല. ആ സ്വർഗ്ഗത്തിലെത്താൻ അവർ കുറെ ഏറെ ശ്രമിക്കേണ്ടതുണ്ട്…… മനുഷ്യാവകാശ ലങ്കനങ്ങൾ ഉണ്ടാകാം, ഞാൻ ചൈനയെ കുറിച്ച് അഗാധമായി പഠിച്ചിട്ടില്ല  (സമയക്കുറവ്, കഞ്ഞികുടിച്ച് പോകേണ്ടെ മാഷെ) അതുകൊണ്ടുതന്നെ അത് ശരിയാണോ തെറ്റാണോ എന്ന് പറയുന്നില്ല.

7.ദൈവവിശ്വാസങ്ങളെ പുശ്ചിക്കുന്നു, അവയ്ക്കെതിരെ പ്രവര്‍ത്തിക്കുന്നു

പുച്ഛിക്കേണ്ട വിശ്വാസങ്ങളെ ( അന്ധവിശ്വാസങ്ങളെ) പുച്ഛിക്കുകയല്ലെ നിർവ്വാഹമുള്ളു. വരാഹ അവതാരത്തെക്കുറിച്ച് സത കേട്ടിട്ടില്ലെ. വെള്ളത്തിനടിയിൽ ഒളിപ്പിച്ച ഭൂമിയെ മഹാവിഷ്ണു വരാഹഅവതാരത്തിലൂടെ വീണ്ടെടുത്ത കഥ. അന്ന് ആ കഥ മെനഞ്ഞവനറിയില്ലായിരുന്നു വെള്ളം എന്നത് ഭൂമിയിൽ നിന്നും വേറിട്ട അവസ്ഥ അല്ല എന്ന്. സത ഈ കഥയെ കേമത്തരം എന്ന് വിശേഷിപ്പിക്കുമോ ? ആറുദിവസം കൊണ്ട് ഈ പ്രപഞ്ചം ഉണ്ടാക്കി പിന്നെ ഏഴാം ദിവസമായ വെള്ളിയാഴ്ച്ച വിശ്രമിച്ചെന്നും, അങ്ങനല്ല ഞാന്യറാഴ്ച്ചയാണ് പ്രപഞ്ചശില്പി വിശ്രമിച്ചതെന്നും സ്ഥാപിക്കുമ്പോൾ , ഇത്തരം കാര്യങ്ങളെ ആണ് പുച്ഛിക്കുന്നത്.പിന്നെ സത പറഞ്ഞ കാര്യത്തിൽ സഖാവ് ന്യൂട്ടൺ 🙂 പറഞ്ഞതുപോലെ ഏതൊരു പ്രവർത്തിക്കും തുല്ല്ല്യവും വിപരീതവുമായ ഒരു പ്രതിപ്രവർത്തനം ഉണ്ടായിരിക്കും, മനസ്സിലായിക്കാണും എന്ന് കരുതുന്നു ഇല്ലെങ്കിൽ മാർ പവ്വത്തിൽ തിരുമേനിയോട് ചോദിക്കുക 🙂

8. അവ കാലഹരണപ്പെട്ടിരിക്കുന്നു

കമ്മ്യൂണിസം ആണോ ഈ “അവ”. സത, ദാരിദ്രത്തിന്റെ സന്തതിയാണ് കമ്മ്യൂണിസം, ദാരിദ്രം ഇല്ലാതാക്കുക അതാണ് സോഷ്യലിസ്സംചെയ്യുന്നത്. ദാരിദ്രം ഉള്ളകാലത്തോളം കമ്മ്യൂണിസ്സം നിലനിൽക്കും. അല്ലാതെ കമ്മ്യൂണിസത്തിന് വേണ്ടി സൃഷ്ടിക്കപ്പെടുന്നതല്ല ദാരിദ്ര്യം. അങ്ങനെ ഒരു വിവക്ഷ വലതുപക്ഷമാധ്യമങ്ങളിൽ കൂലി എഴുത്തുകാർ വിളമ്പുന്നത് കണ്ടിട്ടുണ്ട്. പിന്നെ സമരമുറകളെപറ്റി മുകളിൽ പറഞ്ഞിട്ടുണ്ട്. സത നോർത്ത് ഇന്ത്യയിൽ ബീഹാറിൽ പോയിട്ടുണ്ടോ ? അല്ലെങ്കിൽ യു.പി. ഹരിയാന എന്നിവിടങ്ങളിൽ പോയിട്ടുണ്ടോ ? യു.പി യിലെ ജിൻഡൽ പോലുള്ള കമ്പനിയിൽ മുതാലാളിയോട് കൂലി കൂടുതൽ ചോദിച്ചാൽ, അടുത്തദിവസം അവൻ ഭൂമിക്ക് മുകളിൽ ഉണ്ടാവില്ല, കർഷകത്തൊഴിലാളി കൂലി കൂട്ടി ചോദിച്ചാൽ അവന്റെ കുടിൽ തീവയ്ക്കുന്ന രൺ‌വീർ സേനയും നിലനിൽക്കുമ്പോൾ ഈ പ്രത്യയശാസ്ത്രം എങ്ങനെ കാലഹരണപ്പെടും സത, ദളിത് വിദ്യാർത്ഥികൾ സവർണ്ണ വിദ്യാർത്ഥികൾക്കൊപ്പം ഭക്ഷണം കഴിക്കാൻ പാടില്ല എന്ന് പറയുന്ന നാട്ടിൽ ഈ പ്രസ്ഥാനം തകരില്ല. (നക്സൽ സംഘടനകളുടെ പ്രവർത്തനത്തെ അംഗീകരിക്കുകയോ സപ്പോർട്ട് ചെയ്യുകയോ ചെയ്യുന്നില്ല) ഇങ്ങ് കേരളത്തിൽ ആദിവാസി സ്ത്രീകളെ കുടിവെള്ളം എടുക്കാൻ അനുവധിക്കാതിരിക്കുന്ന സവർണ്ണ മാടമ്പിമാർ ഉള്ള കാലം ഈ പ്രസ്ഥാനം നിലനിൽക്കും, നിലനിൽക്കണം. തന്റെ മതമാണ് ഏറ്റവും പ്രസ്ക്തമെന്ന് പറയുകയും അതിന്റെ നിലനിൽ‌പ്പിനായി മനുഷ്യനെ നിഷ്ക്കരുണം കൊല്ലാൻ മടിക്കാത്ത ജാതിമതകോമരങ്ങൾ ഉള്ള കാലത്തോളം ഈ പ്രത്യയ ശാസ്ത്രം നിലനിൽക്കും. പണമുള്ളവനായി വാദിക്കാൻ ആയിരം നാവുണ്ടാകും, നാവില്ലാത്ത അടിയാനും കുടിയാനും ആദിവാസിക്കും ദളിതനും, പിന്നോക്കക്കാരനും നാവ്കൊടുക്കുന്നതാണ് ഈ പ്രത്യയ ശാസ്ത്രം. നേരറിയുന്നവർ എന്നും ഇതിന്റെ സഹയാത്രികരായിരിക്കും. സരോജനി നഗറിൽ ബോംബ് പൊട്ടിയപ്പോൾ ഇവിടുത്തെ ഇസ്ലാം വിചാരക്കാർ പറഞ്ഞു അവർ “ഇസ്ലാം നാമധാരികൾ” ആണെന്ന്, മലെഗാവിൽ പൊട്ടിയപ്പോ ഹിന്ദുവിചാരക്കാർ പറയുന്നു അവർ “ഹിന്ദു നാമധാരികൾ “ ആണ് ഞങ്ങൾക്കിതിൽ പങ്കില്ല……. ഇത്തരം വിഷങ്ങൾക്കെതിരെ അവരുടെ പ്രചരണങ്ങൾതിരെ ആണ് ഇടതുപക്ഷം. ഇത് എന്നും ജനപക്ഷത്താണ്.

സുഹൃത്തേ, ചരിത്രമറിയാതെ വെളിപാടിറക്കരുത്.സ്വാതന്ത്ര സമരത്തിന് മുൻപും പിൻപും ഇവിടെ ന്യൂനപക്ഷ ഭൂരിപക്ഷ ലഹളകൾ ഉണ്ടായാത് CPM ന്റെ ന്യൂനപക്ഷ പ്രീണനം കൊണ്ടായിരുന്നോ. ഇന്ത്യയെ രണ്ടാക്കിയതിൽ RSSന് യാതൊരു പങ്കുമില്ലെ ? സവർക്കർ ഐക്യ ഭാരതത്തിനായി നിലകൊണ്ട മഹാനായിരുന്നു എന്നാണോ സത പറയാൻ ആഗ്രഹിക്കുന്നത്. അന്ന് മത സ്പർദ്ദയുടെ പാരമ്യത്തിലല്ലായിരുന്നോ RSS. ഗാന്ധിജിയുടെ നെഞ്ചുതുളച്ച വെടിയുണ്ട ഇടതുപക്ഷത്തിന്റെ മൂശയിൽ വിരിഞ്ഞതായിരുന്നോ ? ഉമാഭാരതിയെ മറന്നോ, ലാൽകൃഷ്ണ അദ്വാനിയെ മറന്നോ ? ഇവരൊക്കെ സർവ്വമത സമന്വയത്തിനായി ആഹോരാത്രം രഥം ഉരുട്ടിയവരും പ്രക്ഷോഭം നടത്തിയവരും ആണ്. ഇത്തരം കീടങ്ങൾ മനുഷ്യ രാശിയുടെ നാശത്തിന് വർത്തിക്കുന്നവർ ആണ്.

9. രാജ്യസ്നേഹം മിഥ്യ ആയി കാണുന്നു

ഏതാണ് ആധീരജവാ‍ൻ ? മലഗാവ് സ്ഫോടനത്തിന് സഹായം ചെയ്തു കൊടുത്ത ദേശസ്നേഹിയോ ? മുസ്ലീം, മുസ്ലീമിനെ സഹായിക്കു എന്ന RSS ഇക്വേഷൻ ആണോ ഈ ചൈന പ്രേമം കൊണ്ട് വിവരിക്കുന്നത്.ഈ വിഷയത്തെ കുറിച്ച് പലരും വിശധമായി ചർച്ച ചെയ്തിട്ടുള്ളതാണ്, അതുകൊണ്ട്തന്നെ ഇതിന് പ്രാധാന്യം നൽകുന്നില്ല. പിന്നെ സത ബ്ലോഗിന്റെ കീഴെ ഞാൻ രാജ്യസ്നേഹി ആണ് എഴുതുന്നതിലല്ല കാര്യം ഞാൻ ഈ പ്രായത്തിനിടയ്ക്ക് എന്റെ രാജ്യത്തിനും അതിലെ ജനങ്ങൾക്കും വേണ്ടി എന്തു ചെയ്തു എന്ന് ചിന്തിക്കുന്നതിലും, ഒന്നും ചെയ്തിട്ടില്ലങ്കിൽ അതിനായി എന്തെങ്കിലും ചെയ്യുന്നതു മാണ് നന്ന്. ഒരു കാര്യം കൂടെ ഓർക്കുക ഭാരതാംബ എന്നാൽ ക്കാഞ്ചീപുരം സാരി ഉടുത്ത സുഷ്മ സ്വരാജോ, വസുന്ദരാരാജ് സിന്ധ്യയോ അല്ല, അത് ഈ രാജ്യത്തിന്റെ ആത്മാവാണ് (ഇലക്ഷനിൽ ഭാജ്പയുടെ നേതാക്കൾക്ക് ഹൈന്ദവ ദൈവരൂപം നൽകി വോട്ട് പിടിക്കുന്നത് കേട്ടിരുന്നു) വസ്ത്രമില്ലാതെ, ഭക്ഷണമില്ലാതെ വീടില്ലാതെ വിദ്യാഭ്യാസമില്ലാതെ ജീവിതത്തിന്റെ പുറമ്പോക്കിൽ എത്തപ്പെട്ടവരെ അറിയണം മേലാളന്മാർ പുതപ്പിക്കുന്ന വികസനത്തിന്റെ കമ്പളത്തിൽ എരിഞ്ഞമരുന്ന തൊഴിലാളികളേയും അവരുടെ കണ്ണീരും കാണണം അല്ലാതെ ഇന്ത്യ തിളങ്ങുന്നു എന്ന് ഫ്ലെക്സ് വഴിഓരത്ത് കട്ടിവച്ചാൽ ദേശസ്നേഹമാകില്ല കണ്ണുതുറ്ന്ന് ചുറ്റിനും നോക്കുക നമ്മൾക്ക് ചുറ്റും എന്തു സംഭവിക്കുന്നു എന്ന് എന്നിട്ട് കരൾ വിറക്കാതെ പറയുക “ഭാരത് മാതാ കീ ജയ്“ …….

മാരീചന്റെ അമ്പുകൾ തറയ്ക്കുന്നതെവിടെ…..

ജൂണ്‍ 9, 2009

പ്രിയ മിത്രം മാരീചൻ, പോസ്റ്റ് ഇടുകയും അതിൽ പ്രകോപനപരമായി എഴുതുകയും ചെയ്യുമ്പോൾ, അതുയർത്തുന്ന ചോദ്യങ്ങൾ താങ്കൾ മറുപടി പറയേണ്ടതല്ലെ?. വി.എസ്സിന്റെ ഭാഗത്തുനിന്നും പലതവണ പദവിക്ക് ചേരാത്ത പ്രയോഗങ്ങൾ വന്നിട്ടുണ്ട്, അന്നൊന്നും വീഎസ്സ് പാർട്ടിക്ക് പുറത്തായിരുന്നില്ലല്ലോ എന്തുകൊണ്ട് പാർട്ടി ശാസിച്ചില്ല. വീ എസ്സ് പാർട്ടിക്ക് അധീതനാണോ ? വിഗ്രഹങ്ങൾ കൂടിവന്നാൽ കമ്മ്യൂണിസ്റ്റ് പാർട്ടിയും, കോൺഗ്രസ്സും തമ്മിൽ എന്താണ് വ്യത്യാസം ?പാർട്ടി പ്രവർത്തകർ ചീട്ട് കളിക്കുന്നതും, കള്ളുകുടിച്ച് ആഭാസം നടത്തുന്നതും വരെ എൽ.സി കളിൽ ചോദ്യം ചെയ്യപ്പെടുകയും, വിമർശിക്കുകയും, ഷോക്കോസ് നോട്ടീസ് നൽകുകയും ചെയ്യുന്ന പാർട്ടി അതായിരുന്നു ഞാൻ കണ്ട കമ്മ്യൂണിസ്റ്റ് പാർട്ടി ഓഫ് ഇന്ത്യ മാർസ്സിസ്റ്റ്. ഇന്ന് ആ പാർട്ടി എവിടെ നിൽക്കുന്നു ?കമ്മ്യൂണിസ്റ്റ്കാരന് അവൻ ജീവിക്കുന്ന സമൂഹത്തോട് ഒരുത്തരവാദിത്വമുണ്ട്, അങ്ങനെ ഉത്തരവാദിത്വമുള്ള ഒരു വ്യക്തിക്കെ കമ്മ്യൂണിസ്റ്റായിരിക്കാൻ സാധിക്കു. താങ്കൾ പറഞ്ഞപോലെ വീ എസ്സ്, “ആലങ്കാരിക “ പദപ്രയോഗങ്ങൾ നടത്തിയപ്പോൾ ഒക്കെയും ഈ പാർട്ടി നിശബ്ദമായിരുന്നു സ്വയം വീഎസ്സ് നാറട്ടെ എന്ന അർത്ഥത്തിൽ. കമ്മ്യൂണിസ്റ്റ് പാർട്ടി എന്നാൽ കണ്ണൂർകരുടെ പാർട്ടി എന്ന അവസ്ഥയാണ് ഇന്നുള്ളത്, ഇത് ഈ പ്രസ്ഥാനത്തെ നാശത്തിലേയ്ക്കേ നയിക്കു. വീ എസ്സ് എങ്ങനെ ചീരിക്കണം എന്ന് തീരുമാനിക്കുന്നതും ഇവിടുത്തെ കമ്മ്യൂണിസ്റ്റ് മുതലാളിമാരാണ്. കഴിഞ്ഞകുറേ കാലങ്ങളായി വ്.എസ്സ് ഉയർത്തിക്കാട്ടിയ കാര്യങ്ങൾ അദ്ദേഹത്തിന്റെ സ്വന്തം അക്കൌണ്ടിൽ പോയെങ്കിൽ അതിനും ഉത്തരവാദി പാർട്ടിതന്നെ. കഴിഞ്ഞദിവസത്തെ പത്രത്തിൽ കണ്ടു പിണറായി അഗ്നിശുദ്ധി വരുത്തി തിരിച്ചുവരും എന്ന്. കമ്മ്യൂണിസ്റ്റ് പാർട്ടിയെ അടുത്തറിയാവുന്ന ഒരാളും കരുതുന്നില്ല പിണറായി പണം കൈക്കൂലി ആയി വാങ്ങി എന്ന്. ഇന്ന് ഇത്തരം ഒരു നാണം കെട്ട പട്ടം കമ്മ്യൂണിസ്റ്റ് പാർട്ടിക്ക് വാങ്ങി തന്നതിൽ പാർട്ടിയലെ കണ്ണൂർ ചിന്താഗതിക്ക് വലിയ പങ്ക് ഉണ്ട്. പിണറായിയേക്കാളും എന്തുകൊണ്ടും മാന്യനാണ് കുടുംബ പാർട്ടിക്കാരനായ പി.ജെ, ജോസഫ് എന്ന ഒരു ധാരന ജനസമൂഹത്തിന് ഉണ്ടാക്കി കൊടുത്തതും പാർട്ടിതന്നെ ആണ്.

രാവിലെമുതൽ വൈകിട്ട് വരെ പാടത്തെ ചൂട് അറിഞ്ഞ് പണിയെടുത്ത പട്ടണി പാവങ്ങളുടെ പാർട്ടി ആയിരുന്നു സി.പി.എം, എന്റെ അമ്മയും അങ്ങനെ പാർട്ടിയെ വളർത്തിയ ലക്ഷക്കണക്കിന് കർഷകതൊഴിലാളികളിൽ ഒരുവളായിരുന്നു, അന്ന് 15 രൂപ കൂലികിട്ടുമ്പോൾ അരിവാങ്ങേണ്ട അതിൽ നിന്നും മിച്ചം പിടിച്ച് പാർട്ടി പ്രവർത്തന ഫണ്ടിലേയ്ക്ക് സംഭാവന ചെയ്തിട്ടുണ്ട്. അത്തരം പാവങ്ങളുടെ മനസ്സിന്റെ ശാപം ഈ പാർട്ടിക്ക് കിട്ടാതിരിക്കട്ടെ എന്ന് പ്രാർത്ഥിക്കുന്നു. പിണറായി വിജയനും, അദ്ദേഹത്തെ സപ്പോർട്ട് ചെയ്ത, സംരക്ഷിച്ച കമ്മ്യൂണിസ്റ്റ് പ്രഭുക്കന്മാരും ആണ്. ഇന്ന് ഈ പാർട്ടിയെ ജനമധ്യത്തിൽ നഗ്നനാക്കിയത്. ആദർശം കൈമോശംവന്ന നേതാക്കൾ ആണ് ഈ പാർട്ടിയുടെ ശാപം, ആക്ഷേപത്തിന് ഇടനൽകാതെ പൊതുപ്രവർത്തനം എന്ന പൂർവ്വികരുടെ ആദർശത്തെ കാറ്റിൽ പറത്തി നിയമവ്യവസ്ഥയെ കൈയ്യിലെടുക്കുന്ന ധാർഷട്യമായി ജനശക്തിയെ ഉപയോഗിക്കുന്നവർ ഈ പാർട്ടിയെ ഏത് പാളയത്തിലേയ്ക്കാണ് നയിക്കുന്നത്?

അഗ്നിശുദ്ധിവരുത്തി തിരിച്ചുവരും എന്ന ബോധോധയം ഇന്നാണോ ഉണ്ടായത്? പിണറായി തെറ്റ് ചെയ്തിട്ടില്ലങ്കിൽ അദ്ദേഹം ആദർശമുള്ള കമ്മ്യൂണിസ്റ്റായിരുന്നെങ്കിൽ സ്വയം വിചാരണയെ നേരിടണമായിരുന്നു. അദ്ദേഹത്തിന് വേണ്ടി വാദിക്കാൻ നരിമാനെ വേണമെങ്കിലും പാർട്ടിവിശ്വാസികൾ കൊണ്ടുവരുമായിരുന്നു. ചങ്കിലെ ചോരകൊടുത്തും നേതാക്കളെ സംരക്ഷിച്ചവർ ആണ് കമ്മ്യൂണിസ്റ്റുകൾ, നേതാക്കൾക്ക് വേണ്ടി കോൺഗ്രസ്സ് പടനയിച്ച പോലീസ് വേട്ടയിൽ പീഠനം സഹിച്ചവർ, ചുമച്ച് ചോരതുപ്പുന്ന, നിരവധി കമ്മ്യൂണിസ്റ്റുകൾ ഈ സമൂഹത്തിൽ ഇന്നും ജീവിക്കുന്നു. സമൂഹത്തിന് മുൻപിൽ നിയമത്തെ ഭയക്കുന്ന ഭീരു എന്ന ആൾരൂപമായി പാർട്ടി സെക്രട്ടറി മാറിപ്പോയിരിക്കുന്നു. കരിദിനം ആചരിച്ചപ്പോൾ ആ കരിയിൽ മുങ്ങിപ്പോയത് സഖാവ് പിണറായി വിജയൻ ആണ്. അഴിമതിയെ അധികാരം കൊണ്ട് നേരിടുന്ന നെറികെട്ട കോൺഗ്രസ്സ് രാഷ്ട്രീയം ആണ് പാർട്ടിയിൽ നിന്നും ജനങ്ങൾ ഈ കഴിഞ്ഞദിവസം കണ്ടത്,

മാരീചൻ ഈ പോസ്റ്റ് കൊണ്ട് വീ.എസ്സ് സംസ്കാരമില്ലാത്തവൻ ആണ് എന്ന് സ്ഥാപിക്കാനാണ് ഉദ്ദേശിക്കുന്നതെങ്കിൽ അത് നിരർത്ഥകരമാണ്. വി.എസ്സിനേയും ആദ്ദേഹത്തിന്റെ ഭാഷയേയും ജനത്തിനറിയാം, സംസ്കാരമുള്ള നിർഗ്ഗുണനെക്കാൾ, സംസ്കാരമില്ലാത്തെ ഉപകാരിയെ ആയിരിക്കും ജനം സ്വീകരിക്കുക. വി.എസ്സ് ഉയർത്തുന്ന അനിവാര്യമായ കാര്യങ്ങൾ അത് പാർട്ടിയുടെ നിലപാടാണ് എന്ന് പറയുമ്പോൾ അത് അങ്ങനെ അല്ല എന്ന് ആവർത്തിച്ച് വിളിച്ചുപറയുന്നില്ലെ അതുയർത്തുന്ന പ്രശ്നങ്ങൾ, കിളിരൂർ കവിയൂർ കേസുകൾ (പെൺവാണിഭം) മൂന്നാർ ശുദ്ധീകരണം, (ഭൂ മാഫിയകൾക്കെതിരെ ഉള്ള ശക്തമായ നീക്കം) തുടങ്ങിയ നടപടികൾ. ലാവ്ലിൻ പ്രശ്നത്തിലെ വിയോജിപ്പ് എന്നിവ.

വീ. എസ്സ്, താങ്കളുടെ ഭാഷയിൽ പറഞ്ഞാൽ സംസ്കാരമില്ലാത്ത നേതാവ് എന്നും ജനപക്ഷത്തായിരുന്നു. അതാണ് അദ്ദേഹത്തിന്റെ വിജയവും, പരിപ്പുവട അല്ല നമുക്കാവശ്യം ബിരിയാണി ആണ് എന്ന് പറയാൻ അറപ്പില്ലാത്തെ കമ്മ്യൂണിസ്റ്റ് മുതലളിമാർ തീർക്കുന്ന നെരിപ്പോടിലാണ് ഈ പാർട്ടി. തിരഞ്ഞെടുപ്പിലെ പരാജയത്തിന്റെ മൂലകാരണം ഞാൻ മുകളിൽ പറഞ്ഞ കാര്യങ്ങൾ തന്നെയാണ് എന്ന് അടിവരയിട്ട് പറയാം, എന്നാൽ പാർട്ടി സെക്രട്ടറിയേറ്റ് കണ്ടുപിടിച്ചത് വീ എസ്സിന്റെ “നയങ്ങൾ” ആയിരുന്നു എന്നാണ് പിന്നെ പാതിരിമാരുടെ ചൊറിച്ചിലും, പാർട്ടി വളർന്ന വഴിയെ അറിഞ്ഞിരുന്നു എങ്കിൽ ഒരു കമ്മ്യൂണിസ്റ്റുകാരനും അരമന നിരങ്ങാൻ പോകില്ലായിരുന്നു. മൂന്നാറും, പെൺവാണിഭ കേസ്സുകളും വിജയിച്ചിരുന്നെങ്കിൽ, കേരളം എന്നന്നേയ്ക്കുമായി കോൺഗ്രസ്സിന് നഷ്ടമാകുമായിരുന്നു. വീ എസ്സിനെ പാർട്ടിയിൽ നിന്നും ഒഴിവാക്കിയാലും അയാൾ ഉയർത്തിയ ആദർശങ്ങൾ പാർട്ടിക്ക് പുതുജീവൻ നൽകും എന്നു കരുതാം,വീ എസ്സ് എന്നത് 85 കഴിഞ്ഞ ഒരു വൃദ്ധൻ മാത്രമാണ് എന്നാൽ അയാളിലെ കമ്മ്യൂണിസ്റ്റ്കാരൻ ഉയർത്തുന്ന ജീവിതമൂല്ല്യങ്ങൾ അത് ഒരു കമ്മ്യൂണിസ്റ്റിന്റേതാണ് ആ മൂല്ല്യത്തിനാണ് ജനങ്ങൾ പിന്തുണ നൽകുന്നത് എന്ന് മനസ്സിലാക്കാനുള്ള സാമാന്യ ബുദ്ധിയെങ്കിലും വീ.എസ്സ് വീരുദ്ധർക്ക് ഉണ്ടാകട്ടെ എന്ന് ആശിക്കുന്നു പിണറായി വിജയനിൽ കാണാതിരുന്നത് ഈ ആദർശമാണ്….

“കാച്ചിത്തിളപ്പിച്ച പാലില്‍ കഴുകിയാല്‍ കാഞ്ഞിരക്കായിന്റെ കയ്പു ശമിക്കുമോ”

അതെ മാരീച പിൻഗാമികൾ ആ കയ്പ്പ് അനുഭവിച്ചവർ ആണ്, കമ്മ്യൂണിസവും ഒരുതരം കയ്പ്പാണ്, സുഖലോലുപതയുടെ മധുരം നുണയുന്നവർക്ക് ആ കയ്പ്പ് അരോചകമായിരിക്കും

ലാൽ സലാം പക്ഷക്കാരനല്ലാത്ത

ഒരു കുഞ്ഞ്കമ്മ്യൂണിസ്റ്റ്

സതയുടെ വ്യഥകൾ (ഭാരത് മാതാ കീ ജയ്)

ജൂണ്‍ 6, 2009

“ ഭാരതാംബ ” എന്ന ബ്ലോഗ് ഇപ്പോൾ സതയുടെ ബൂലോകം എന്നാക്കി മാറ്റിയതിൽ ആദ്യം ശകലം കൺഫ്യൂഷൻ തോന്നി…,ഭാരതാംബ എന്ന ദേശസ്നേഹം ഉളവാക്കുന്ന ആ നല്ല പേര് മാറ്റി സതയുടെ ബൂലോകം എന്ന് ഇട്ടതിൽ, അതിലെ പോസ്റ്റ്മായി ബന്ധപ്പെട്ടായിരിക്കാം എന്നു തോന്നുന്നു, അത് ആ ബ്ലോഗറുടെ താത്പര്യം, ആ താത് പര്യം സങ്കുചിതവും, സ്വാർത്ഥവും, വീക്ഷണങ്ങൾ ശുഷ്കവും ആകുന്നതിൽ ദുഖം ഉണ്ട്….

സ്വതന്ത്ര ഇന്ത്യയിൽ ഏതൊരു പൌരനും അവന് ഇഷ്ടമുള്ള പാർട്ടിയിൽ വിശ്വസിക്കാനും, അതിൽ പ്രവർത്തിക്കാനും, മറ്റു പാർട്ടികളെ നിരീക്ഷിക്കാനും, വിമർശിക്കാനും, അതിലുള്ള അഭിപ്രായങ്ങൾ പ്രകടിപ്പിക്കാനുമുള്ള സ്വാതന്ത്ര്യം, മൌലിക അവകാശമായി ഇന്ത്യൻ ഭരണഘടന വിഭാവനം ചെയ്യുന്നുണ്ട്. ഈ അവകാശത്തിൽ നിന്നുകൊണ്ട് നിങ്ങൾക്ക് വിമർശിക്കാനുള്ള അവസരം ബ്ലോഗ് നൽകുകയും ചെയ്യുന്നു. അവകാശങ്ങൾ മാത്രമല്ല ധാർമ്മികമായ ഉത്തരവാധിത്വങ്ങളും ഭരണഘടന നമുക്ക് നൽകുന്നുണ്ട്, നമ്മൾ ആരും അത് ശ്രദ്ധിക്കാറില്ലെങ്കിലും. ഈ ബ്ലോഗിലെ കുറിപ്പുകൾ താങ്കളുടെ വീക്ഷണമാണ് എന്ന് താങ്കൾ എവിടെയോ പറഞ്ഞതായി ഞാൻ ഓർക്കുന്നു. അതുകൊണ്ട് തന്നെ താങ്കളുടെ ഈ പോസ്റ്റ് “ സി.പി.എം ന് പിഴയ്ക്കുന്നതെവിടെ“ എന്നത് വായിക്കാൻ താത്പര്യം തോന്നി,

താങ്കൾ ഒരു ഫാസിസ്റ്റാണ് എന്ന് എടുത്തുപറയേണ്ട കാര്യമില്ല, അങ്ങനാണെങ്കിൽ അത് താങ്കളുടെ എഴുത്തിലൂടെ പ്രകടമാകും അതിൽ അഭിമാന ക്ഷതത്തിന്റെ കാര്യം ഒന്നുമില്ല. ഫാസിസ്റ്റ് എന്താണ് എന്ന് കെ.പി. സുകുമാരൻ മാഷ് പറഞ്ഞിരിക്കുന്നത് ഒന്നു നോക്കുക ( ആള് പുലിയാണ് കേട്ടോ ),

സി പി എമ്മിന്, എന്റെ അറിവിലുള്ള ചരിത്രത്തില്‍ വലിയ സ്ഥാനം തന്നെ ഉണ്ട്…….എന്നു തുടങ്ങുന്ന പാരഗ്രാഫ്, അനുഭവത്തിന്റെ വെളിച്ചത്തിലോ, കേട്ടറിവിന്റെ അടിസ്ഥാനത്തിലോ ആകട്ടെ അതിലെ യാഥാർത്ഥ്യങ്ങൾ വിളിച്ചു പറയുന്നുണ്ട്, അതിന്റെ താഴെ മുതലുള്ള പാരകളിൽ താങ്കൾഎന്തോ പറയാൻ ആഗ്രഹിച്ചിരുന്നു എന്നും തോന്നുന്നു….

1.) ഒഴുക്കിനെതിരെ നീന്തുക ആണ് വിപ്ലവം എന്ന് പല സഖാക്കളും വിശ്വസിക്കുന്നതുപോലെ തോന്നുന്നു…..

സഖാക്കൾ എങ്ങോട്ട് പോകണം എന്ന് തീരുമാനിക്കുന്നത് കാലമാണ്, അല്ലെങ്കിൽ അവസരമാണ് അല്ലാതെ, തെറ്റിദ്ധരിക്കുന്ന യുവത്വമല്ല. സത തന്റെ ലേഖനത്തിൽ പറയുന്നുണ്ടല്ലോ ആ കാലഘട്ടത്തിൽ ആണ് സത ജീവിക്കുന്നതെങ്കിൽ സതയും ഒരു കമ്മ്യൂണിസ്റ്റ് ആയേനെ എന്ന്. അല്ലെങ്കിൽ ആഗ്രഹിച്ചേനെ എന്ന്. പക്ഷെ താങ്കളുടെ പോസ്റ്റിൽ നിന്നും ഒരിക്കലും താങ്കൾ അങ്ങനാവില്ല എന്ന് ഞാൻ വിശ്വസിക്കുന്നു അല്ലെങ്കിൽ ഉറപ്പ് തരുന്നു. അതിന് ചെറിയ ഉദാഹരണം ഞാൻ പറയാം. യേശു എന്ന മാഹപുരുഷൻ ഇന്ന് കേരളത്തിൽ ആണ് പ്രവാചകനായി, അല്ലെങ്കിൽ ദൈവപുത്രനായി ജനിക്കുന്നു എങ്കിൽ അദ്ദേഹത്തിന് എന്തു സംഭവിക്കുമായിരുന്നു. അദ്ദേഹത്തിന് പ്രത്യേഗിച്ച് ഒന്നും സംഭവിക്കുകില്ല എന്താണോ ബൈബിൾചരിത്രം (ബൈബിളിനെ ചരിത്ര രേഖയായി അംഗീകരിക്കുന്നില്ല എങ്കിലും) പറയുന്നത് അത് ആവർത്തിക്കുമായിരുന്നു അത്രമാത്രം. കുരിശ്ശ്മരണത്തിന് പകരം കഴുമരം ആയേനെ അത്ര വ്യത്യാസമേ കാണു. എന്ന് പറഞ്ഞതു പോലെ സത ആ കാലഘട്ടത്തിലാണ് ജീവിക്കുന്നതെങ്കിൽ സതയും അതിന്റെ ഓപ്പസിഷനിലാവും നിലകൊള്ളുക. കാലഘട്ടം മാറുമ്പോൾ അനിവാര്യതകളും മാറുന്നു, എന്താണ് സി.പി.എം ന് സംഭവിച്ചത് എന്ന് ഔദ്യോഗികമായി പറയാൻ ഞാൻ ഒരു സി.പി.എം പ്രവർത്തകനോ വക്താവോ അല്ല. സദയുടെ ചില പരാമർശങ്ങളിൽ ഒരു കമ്മ്യൂണിസ്റ്റ്കാരൻ പ്രതികരിക്കേണ്ടതുണ്ട് എന്ന് തോന്നിയതിനാൽ എഴുതി എന്നുമാത്രം.“ എന്റെ കമ്മ്യൂണിസം“ എന്താണ് എന്ന് സത ഉറുമ്പിന്റെ പോസ്റ്റിൽ വായിച്ചുകാണുമല്ലോ.

ഒഴുക്കിനെതിരെ നീന്തുക എന്നത് തന്നെ ആണ് കമ്മ്യൂണിസം. പക്ഷെ താങ്കൾ വിചാരിക്കുന്ന പോലെ പമ്പയാറ്റിലെ ഒഴുക്കല്ല അത്. സാമ്പത്തിക സാമൂഹിക അടിമത്തത്തിന്റെ ഒഴുക്ക്, വരേണ്യവർഗ്ഗ, സവർണ്ണ ഫാസിസ്ത്തിന്റെ ഒഴുക്ക്, അങ്ങനെ ശബ്ദമില്ലാതവന്റെ മോചനത്തിനായി ഇത്തരം കുത്തൊഴൂകൾക്കെതിരെ ആണ് സഖാക്കൾ നീന്തുന്നത്. അല്ലെങ്കിൽ നീന്തേണ്ടത്. ആദർശങ്ങൾ കീറാമുട്ടിയായതായി താങ്കൾക്ക് തോന്നു എങ്കിൽ അതിന് കാരണം ഞാൻ മേൽപ്പറഞ്ഞതുതന്നെയാണ്, കാഴ്ച്ചപ്പടിലുള്ള വ്യതിചലനം തന്നെ. ഇന്ത്യൻ സമ്പത്ത്ഘടനയെക്കുറിച്ച് താങ്കൾക്ക് അറിവുള്ളതാണ്. പിന്നെ മുതലാളിത്വം പിടിമുറുക്കുന്നു എന്ന് പറയുന്നതിൽ എത്രമാത്രം അർത്ഥമുണ്ട്, ഇന്ത്യയിലെ സാമ്പത്തിക വിദഗദ്ധർ, ലോക സാമ്പത്തിക മാന്ദ്യവുമായി ഇന്ത്യൻ സമ്പത്ത് വ്യവസ്ഥയെ എങ്ങനെ താരതംമ്യം നടത്തി എന്നൊക്കെ ഒന്ന് നോക്കുന്നത് നന്നായിരിക്കും ഒപ്പം ലോകത്ത് സാമ്പത്തിക രംഗങ്ങളിൽ എന്തുസംഭവിക്കുന്നു എന്ന് നിരിക്ഷിക്കുന്നതും. ഈ സഖാക്ക്ന്മാർ പൊക്കിപ്പിടിക്കുന്ന പ്രത്യയശാസ്ത്ര്ത്തിന്റെ പ്രസക്തി കണ്ടിട്ടാണ് പലരും ഒരു പാർട്ടിയുടെ ലേബൽ ഇല്ലാതെ അതിന്റെ ഭാഗഭക്കാവുന്നതും.

2. വളരെ നാളുകളായി സി പി എം തൊഴിലാളിവര്ഗ്…….(വിഷയം വർഗ്ഗീയം)

പ്രീയ മിത്രം സത ഈ പാരഗ്രാഫിൽ, തൊഴിലാളികളെ (വർഗ്ഗത്തെ) കൈയ്യൊഴിഞ്ഞ പാർട്ടിയെ ആണ് താങ്കൾ കാണുന്നത്, ഒപ്പം പച്ചക്കമ്പളം വാരിപുണരാൻ കൊതിക്കുന്ന പാർട്ടി. അവസാനം ചുവപ്പ് മാറി പച്ചത്തുണിയിൽ, ചന്ദ്രിക അതിൽ ഉള്ളതുകൊണ്ട് അതിനൊരു പിടിയും, പിന്നെ നടുക്ക് ഒരു ചുറ്റികയും. മുകളിൽ ഒരു ൻക്ഷത്രവുക് കൂടെ ആകുമ്പോൾ വിവരണം പൂർത്തിയാകും. തൊഴിലാളികൾ പാർട്ടിക്കെ വോട്ട് ചെയ്യാവു എന്ന് അലിഖിത നിയമം ഒന്നുമില്ല സഖാവെ (ചിന്തിച്ചിരുന്നു) തൊഴിലാളികളുടെ അവകാശങ്ങൾ നേടി എടുക്കുക എന്നത് മാത്രമല്ല പാർട്ടിയുടെ പ്രവർത്തനം, കുറച്ച് സാമൂഹ്യ പ്രതിബദ്ധതകൂടെ കണക്കിലെടുക്കേണ്ടെ? ഒരു പ്രത്യേഗ വിഭാഗത്തെ സാമ്പത്തികവും, സാമൂഹ്യവും, ശാരീരികമായും വേട്ടയാടപ്പെടുമ്പോൾ അവർക്ക് വേണ്ടി ശബ്ദമുയർത്തുന്നത്, വർഗ്ഗിയ പ്രീണനമാകുന്നതെങ്ങിനെ ? മലബാറിലെ കക്കാമാർക്ക് വേണ്ടി അല്ല കമ്മ്യൂണിസ്റ്റുകൾ ശബ്ദിക്കുന്നത്, ലോകത്താകെയുള്ള പീഠിപ്പിക്കപ്പെടുന്ന ജനവിഭഗങ്ങൾക്ക് (മുസ്ലീം) വേണ്ടിയാണ്. ഇറഖിലുള്ള മനുഷ്യ സാഹോദർന്മാർ (മനുഷ്യരെ മതം തിരിച്ചോ ജാതിതിരിച്ചോ കമ്മ്യൂണിസ്റ്റുകൾ കാണുന്നില്ല) ഒരു കാരണവുമില്ലാതെ കൊന്നൊടുക്കുന്നത് കണ്ടിരിക്കാൻ അടിമത്തം ബാധിക്കാത്തെ മനസ്സുള്ള ഒരു കമ്മ്യൂണിസ്റ്റിനും ആവില്ല. ഇത് വർഗ്ഗീയമായ പ്രതിക്ഷേതമല്ല, മനുഷ്യത്വം മരവിക്കാത്തെ എല്ലാ മനുഷ്യരും ചെയ്യേണ്ട ഒനുതന്നെ എന്നതിൽ സത യ്ക്ക് സംശയം ഇല്ല എന്ന് കരുതുന്നു. ഇതിലെ കൂടുതൽ അഭിപ്രായം ഇവിടെ വായിക്കാം……… കോണ്ഗ്ര്സിനെ കടത്തിവെട്ടുന്ന മുസ്ലിം പ്രീണനം ഇനിയങ്ങോട്ട് എല്ലാവരും സഹിക്കേണ്ടി വന്നേനെ. ഇത്രയും വേണോ മാഷെ, ഉരുക്ക് മനുഷ്യൻ പാക്കിസ്ഥാനിൽ പോയി “പ്രസവിച്ചതൊന്നും“ മറന്നു പോകരുതെ ഭാരതാംബയുടെ പഴയകാല വിശ്വാസി.

3.സി പി എം നേതാക്കള്‍ പ്രകടിപ്പിക്കുന്ന ധാര്ഷ്ട്യം ,……..

സത, അതെ ഈ പാർട്ടിക്ക് ധാർഷ്ട്യം ഉണ്ട്, അത് സത കണ്ടെത്തിയ കാര്യത്തിൽ അല്ല എന്നുമാത്രം. അക്രമത്തിനും അഴിമതിക്കും മുന്നിൽ ഒരു വുട്ടുവീഴ്ച്ചയ്ക്കും ഇല്ല എന്ന് ഒരു കമ്മ്യൂണിസ്റ്റ് ധാർഷ്ട്യത്തോടെ തന്നെ പറയും അതിന് ഒരു മടിയും ഇല്ലതന്നെ. ഒരു ജനാധിപത്യ വ്യവസ്ഥിതിയി, ജുഡീഷ്യറിക്കുള്ള പങ്ക് അറിവില്ലാത്തവനല്ല സത എന്ന് കരുതുന്നു. കഴിഞ്ഞകുറേ കാലങ്ങളിൽ ഇന്ത്യയിലെ കോടതികൾ നടത്തിയ വിധികളെല്ലാം ശരിയായിരുന്നു എന്ന് ഞാൻ വിശ്വസിക്കുന്നില്ല ഒരു കമ്മ്യൂണിസ്റ്റും വിശ്വസിക്കില്ല. പ്ലാച്ചി മടയിലെ കോളക്കമ്പനിക്ക്നുകൂലമായ് കോടതി വിധിയെ സത എങ്ങനെ കാണുന്നു? അഭയക്കേസ്സിൽ ജസ്റ്റീസ് ഹേമ സ്വീകരിച്ച നിലപാടിനെ എങ്ങനെ കാണുന്നു? സ്വാശ്രയ പ്രശ്നങ്ങളിൽ കോടതി സ്വീകരിച്ച സമീപനം എന്തായിരുന്നു? അങ്ങനെ എത്ര ഉദാഹരണങ്ങൾ കോടതികൾ ജനങ്ങൾക്ക് അധീതരല്ല അതും ജനങ്ങൾക്ക് പ്രതികൂലമായ വിധി ഉണ്ടാകുമ്പോൾ. വിമർശിക്കുഅകയല്ല ചുട്ട ഭാഷയി തന്നെ മറുപടി പറയണം, അതും ഒരു കമ്മ്യൂണിസ്റ്റുകാരന്റെ ധാഷ്ട്യം തന്നെ! എന്തുകൊണ്ടാണ് സത ഇടതുപക്ഷ പ്രസ്ഥാനങ്ങൾ പത്രവും ചാനലും തുടങ്ങിയത്? ശ്രീലങ്കയിൽ പതിനായിരങ്ങൾ തോക്കിനിരയായി സത ഇതറിഞ്ഞിരുന്നോ ? ഇവിടെ നോക്കുക അവിടെ മരിച്ച സാധരണക്കാരന്റെ രാഷ്ട്രീയം ജീവിക്കുക എന്നതായിരുന്നു, അവന്റെ നൊമ്പരങ്ങൾ ഒരു “സത“ മുതലാളിമാരും അറിഞ്ഞിരുന്നില്ല. എന്തുകൊണ്ട് ? കമ്മ്യൂണിസ്റ്റ് പ്രസ്ഥാനങ്ങൾക്ക്വേണ്ടി എഡിറ്റോറിയൽ എഴുതിയ എത്ര മുഖ്യധാര പത്രങ്ങൾ ഉണ്ട് കേരളത്തിൽ, ഇന്ത്യയിൽ, ലോകത്തിൽ ???? മൂർക്കോഡും, സി.എൻ.എൻ ഉം ബി.ബി.സി യും ഒക്കെ മുതലാളിത്വ സ്വാർത്ഥതയ്ക്ക് കുഴലൂത്ത് നടത്തിയ, നടത്തുന്ന മാധ്യമങ്ങൾ തന്നെ അല്ലെ ???? അതോ ഞാൻ “ചുവന്ന കണ്ണട വച്ചു നോക്കിയിട്ടാണോ”???? സി.ബി.ഐ സി.പി.എം ന്റെ നേതാക്കളുടെ ഫോൺ ചോർത്തി, എഴുതിയത് വീരന്റെ പത്രവും മനോരമയും, സി.ബി.ഐ ഈ വാർത്ത നിരാകരിച്ചു….. ഇത്തരം ചെറ്റത്തരങൾക്ക് മുൻപിൽ പ്രതികരിക്കുന്നത് ധാഷ്ട്യാമാണോ സത????? അതോ പത്രങ്ങൾക്ക് നേരേ, മാധ്യമങ്ങൾക്ക് നേരെ നടത്തുന്ന കുതിര കയറ്റമാണോ ???? സത പ്രതികരിച്ചപ്പോൾ അല്ലെങ്കിൽ നോക്കിക്കണ്ടപ്പോൾ മനപൂർവ്വമോ അല്ലാതെയോ ചിലവാക്കുകൾ വിട്ടുപോയി അതു ഞാനിവിടെ പൂരിപ്പിക്കാം. “അന്യായത്തിനെതിരെ, അനീതിക്കെതിരെ, അസമത്വത്തിനെതിരെ,, അസഹിഷ്ണുത ഇത്രമാത്രം ഊട്ടി ഉറപ്പിച്ചിട്ടുള്ള മറ്റൊരു പാര്ട്ടിയയെ ഭാരതത്തില്‍ കണ്ടെത്തുക പ്രയാസമായിരിക്കും. “

4. ഏറ്റവും പുതിയ വാര്ത്തളകള്‍ പരിശോധിച്ചാലും സി പി എമ്മിന്റെ ‘ബുദ്ധിമുട്ടുകള്‍’ മനസ്സിലാക്കാം……..

സി.പി.എം എന്നത് ജനങ്ങളുടെ പാർട്ടിയാണ്, അതുകൊണ്ടുതന്നെ ആ പാർട്ടി ജനങ്ങളോട് സമാധാനം പറയാൻ ബാധ്യസ്ഥർ ആണ് ( സതയുടെ പുതിയ രണ്ട് പോസ്റ്റുകളും ശ്രദ്ധിക്കുക) അല്ലെങ്കിൽ മറ്റൊരർത്ഥത്തിൽ പറഞ്ഞാൽ പാർട്ടി എന്നാൽ ജനങ്ങൾ തന്നെ, അതുകൊണ്ട് തന്നെ ഇതിലെ തീരുമാനങ്ങൾ വ്യക്തിത്വങ്ങളി നിന്നും ആകരുത്, അപ്പോൾ പിന്നെ (ജനങ്ങൾ) പാർട്ടിവേണ്ടെ മാഷെ ഇതൊക്കെ തീരുമാനിക്കാൻ. ഈ പ്രസ്ഥാനം കമ്പനി അല്ലല്ലോ….താങ്കൾക്ക് സി.പി.എം ന്റെ ഏത് ആദർശമാണ് വിഷമായി തോന്നിയത് ??? ദയവായി വിവരിക്കുക. ഓടിക്കിതച്ച് ലക്ഷ്യത്തിൽ എത്താതെ പോകുന്നതിലും നല്ലതല്ലെ നടന്ന് ലക്ഷ്യത്തിൽ എത്തുന്നത്.

5. കമ്പ്യൂട്ടറിനെതിരെ ഒക്കെ സമരം ചെയ്താ പാര്ട്ടി ഇപ്പോള്‍ ബൂലോകത്ത് വരെ ആശയം പ്രചരിപ്പിക്കുന്നത്..

ഈ പാരയിൽ ആദ്യത്തെ ഭാഗത്തിന്റെ മറുപടി അല്ലെങ്കിൽ എന്റെ ഉത്തരം ഇവിടെ വായിക്കാം (നിഷേധിയുടെ പോസ്റ്റിലെ കമന്റ് കൂടെ വായിക്കുക) മ അദനി എന്ന തീവൃവാദിയെ ജയിൽ അടച്ചത്, കോൺഗ്രസ്സോ, ബി.ജെ.പി യോ ആയിരുന്നില്ല അന്ന് ഭരണത്തിൽ ഇരുന്ന നായനാർ സർക്കാർ തന്നെ ആയിരുന്നു, ബാക്കി എന്റെ അഭിപ്രായം ഇവിടെ വായിക്കാം. a) കണ്ണൂര്‍ പോലുള്ളിടത് മറ്റു പാര്ട്ടിനക്കാരെ കൈകാര്യം ചെയ്യുന്നത്. കണ്ണൂർ രാഷ്ട്രീയം വല്ല്യ പിടി ഇല്ല… b) സംഘടിത തൊഴിലാളികള്‍ ഗുണ്ടായിസം കാണിക്കുന്നത്…… നിയന്ത്രിക്കപ്പെടേണ്ടത് c) ഹിന്ദുക്കളും ക്രിസ്ത്യാനികളും ചര്ച്ച ക്കൊരുങ്ങിയപ്പോള്‍ ഇടങ്കോല്‍ ഇട്ടതു.. സംഭവം ഏതാണെന്ന് വ്യക്തമല്ലല്ലോ മാഷെ d) മദ്രസഅധ്യാപകര്ക്ക്് പെന്ഷണന്‍ അനുവദിച്ചത്.. ഇത്തരം പ്രവർത്തികളിൽ എന്ത് എങ്ങനെ ആണ് എന്നറിഞ്ഞിട്ട് പ്രതികരിക്കാം. e) ഇനിയും തീരാത്തത് നമുക്ക് അടുത്ത പോസ്റ്റിൽ പറയാം…….. 6. സി പി എം കേരളത്തില്‍ തകര്ന്നാ ല്‍(അങ്ങനെ ഉണ്ടാകാതിരിക്കട്ടെ..), അതിനെന്താ സത, ഇത്രയേറെ ദുഷിപ്പുകൾ ഉള്ള ഒരു പാർട്ടി തകരുന്നതല്ലെ അതിന്റെ ശരി, തകരാതിരിക്കട്ടെ ഞങ്ങൾക്ക് വല്ലപ്പോഴു തെറിവിളിക്കാം എന്നാണോ ?? കേരളത്തിൽ സവർക്കാരികൾ വളരാത്തതിന്റെ ഭൂമിശാസ്ത്രം സതയ്ക്ക് ഇതുവരെ മനസ്സിലായില്ലെ…