Archive for മേയ് 2010

ജനാധിപത്യത്തിന്റെ പുത്തൻ വ്യാഖ്യാനങ്ങൾ സാമ്പത്തിക ശാസ്ത്രത്തിന്റെയും.

മേയ് 18, 2010

വാഷിങ്ടണ്: “ഇന്ത്യക്കാരും ചൈനക്കാരും കൂടുതല് കാറുകള് വാങ്ങാന് തുടങ്ങിയതുകൊണ്ട് ഇന്ധനവില ഉയര്ന്നേക്കുമെന്ന് യു.എസ്. പ്രസിഡന്റ് ബരാക് ഒബാമ മുന്നറിയിപ്പ് നല്കി“

ബൂലോകത്തിലെ പുപ്പുലികളായ ചില അമേരിക്കൻ ഭക്തർ ഉണ്ട് അമേരിക്ക, അമേരിക്കൻ ആണവകരാർ എന്നൊക്കെ കേൾക്കുമ്പോൾ ആയിരം നാവുമായ് എത്തുന്നവർ, ഇത്തരം കാര്യങ്ങൾ ഇക്കൂട്ടർ കേൾക്കാറില്ല ഇതൊക്കെ സായിപ്പന്മാരുടെ തമാശകളല്ലെ (കാറ്റൽക്ലാസ്സുപോലെ). കുറച്ച് കാലം മുൻപ് ഇന്ത്യാക്കാരായ മിഡിൽ ക്ലാസ്സുകാർ ഉത്സാഹത്തോടെ ഭക്ഷണം കഴിക്കുന്നതുകൊണ്ടാണ് ഭക്ഷ്യദൌർലഭ്യം ഉണ്ടാകുന്നത് എന്ന് ലോകരാഷ്ട്രീയത്തിന്റെ അവസാനവാക്കുകാർ പറഞ്ഞിരുന്നു. ഇപ്പോൾ ഇന്ത്യാക്കാരും ചൈനക്കാരും കൂടെ കാർ വാങ്ങി ഇന്ധനവില ഉയർത്തുന്നു. കുറച്ച് കാലം പിൻപോട്ട് നടന്നാൽ ബറാക്ക് ഭായി പറയുന്നത് നേരുതന്നെ ആണുതാനും. ഇന്ത്യാക്കാരൻ വാങ്ങാനും ഉപയോഗിക്കാനും പാകത്തിൽ സാമ്പത്തികമായി വളർന്നിട്ട് അധികം കാലം ആയിട്ടില്ല. 7% ന് മുകളിൽ സാമ്പത്തിക വളർച്ച ഉണ്ടായത് ഭാരതീയന്റെ കഠിനാധ്വാനം കൊണ്ടുതന്നെയാണ്. സാമ്പത്തിക ഉദാരവൽക്കരണ നയങ്ങൾ ഇന്ത്യൻ കമ്പനികളുടെ വളർച്ചയ്ക്ക് വളമായി. മന്മോഹൻ സിംഗും കോൺഗ്രസ്സും പിന്തുടരുന്ന പുത്തൻ സാമ്പത്തിക നയങ്ങൾ അതിവിദൂരമല്ലാത്ത ഭാവിയിൽ പല സാമൂഹിക പ്രതിസന്ധികളും ക്ഷണിച്ച് വരുത്തും എന്നതിന് യാതൊരു സംശയവുമില്ല. മിക്സഡ് ഇക്കോണമി എന്ന തത്വം കുറേശ്ശയായി ഇല്ലാതാക്കുന്ന ഓഹരി വിറ്റഴിക്കൽ പ്രക്രീയ സാമ്പത്തിക വളർച്ചമാത്രമായിരിക്കില്ല നൽകുന്നത്, സാമ്പത്തിക ധ്രുവീകരണം കൂടെ ആയിരിക്കും. ഇന്ത്യയുടെ സ്വരം ചില വൻ കുത്തകളുടെ സ്വരമായി മാറാൻ അധികാലം കാത്തിരിക്കേണ്ടിവരില്ല. ശരാശരി ഇന്ത്യാക്കാരന്റെ വാങ്ങാനും കൈവശം വയ്ക്കാനും ഉപയോഗിക്കാനുമുള്ള അവസരം നിഷേധിക്കപ്പെട്ടാൽ ഒബാമ സാഹിബ് ഭയക്കുന്ന അവസ്ഥ ഉരിത്തിരിയുകയില്ല.ഇന്ധന ക്ഷാമത്തെ നേരിടാൻ എത്ര എളുപ്പം, ഇന്ത്യാക്കാരനും,ചൈനാക്കാരനും കാറുകൾ വാങ്ങാതിക്കുക അതുവഴി ഇന്ധനവില പിടിച്ചു നിർത്താം, ഒബാമയുടെ നൊബെൽ പദവി അദ്ദേഹം മുന്നോട്ട് വയ്ക്കുന്ന സാമ്പത്തിക തത്വസംഹിതകൾക്ക് സാമ്പത്തിക ശാസ്ത്രത്തിന്റെ പേരിൽ നൽകാതിരുന്നത് നൊബെൽ പ്രൈസിന് തന്നെ വൻ നഷ്ടമാണ്. വിപണിയെ ചിലർക്കായ് മാത്രം പരിമിതപ്പെടുത്തുക എന്നത് ജനാധിപത്യത്തിൽ അസാധ്യമായ കാര്യമാണ്, പ്രത്യേകിച്ചും ഇന്ത്യയെപ്പോലുള്ള ഒരു രാജ്യത്ത്. പിന്നെ ചെയ്യാനുള്ളത് പൌരന്മാരെ വാങ്ങാൻ പ്രാപ്തരാക്കാതിരിക്കുക എന്നതാണ്. നാളെ ഇന്ത്യയ്ക്കും ചൈനയ്ക്കും എതിരെ ഊർജ്ജ ഉപരോധം ഏർപ്പെടുത്തില്ല എന്ന് ആരുകണ്ടു.

ഇന്ത്യ ഇന്ധന ഉപഭോഗത്തിൽ വളരെ മുൻപന്തിയിലുള്ള രാജ്യമാണ്. ആളോഹരി ഉപഭോഗം നോക്കുമ്പോൾ നാം അമേരിക്കയെക്കാൾ എത്രയോ പിന്നിലാണ്. അമേരിക്കയില് ആയിരം അമേരിക്കക്കാര്ക്ക് 950 കാറുകളുണ്ടെന്നാണ് കണക്ക്. ഇന്ത്യയില് ആയിരം പേര്ക്ക് 8.5 കാറേയുള്ളൂ. ടാറ്റയുടെ നാനോ വിപ്ലവം വന്നാലും അടുത്ത നൂറ് വർഷത്തിൽ നമുക്ക് അമേരിക്കയെ മറികടക്കാനുള്ള സാധ്യത വളരെ കുറവും. ഒബാമയോ അല്ലെങ്കിൽ മറ്റേതെങ്കിലും പാശ്ചാത്യനോ ഇത്തരത്തിലുള്ള സങ്കുചിത പ്രസ്ഥാവനകൾ നടത്തുമ്പോൾ നമ്മളുടെ ഭരണകർത്താക്കൾ ചെവിയിൽ പക്ഷിത്തൂവൽ തിരുകി ആത്മ നിർവൃതിയടയത്തെഉള്ളു, ആകുളിര് ഒരു സുഖം തന്നെയാണേ!!!

Advertisements

മനോരമയുടെ തനതായ ശൈലി

മേയ് 2, 2010

വാർത്തകൾ മനോരമ ലേഖകന്റെകയ്യിൽ വരുമ്പോൾ അതിന് അതിന്റേതായ ഒരു ശൈലി രൂപം കൊള്ളുന്നു മറ്റുപത്രങ്ങളിൽ നിന്നും മനോരമ വെത്യസ്ഥമാകുന്നതും അതുകൊണ്ടുതന്നെയാണ്, വായിച്ച് കഴിഞ്ഞ് ആക്രിക്കാരന് തൂക്കിവിറ്റാൽ കൊടുത്ത കാശും മുതലാകും, പത്രത്തിന്റെ ഓരോ ധർമ്മങ്ങളെ, ഒരു മരണവാർത്ത മനോരമയിലും, മറ്റ് പത്രങ്ങളിലും എങ്ങനെ വന്നു എന്നുകാണുക. (പ്രസക്തഭാഗങ്ങൾ)

മനോരമ : (ലിങ്കുകളിലൂടെ പൂർണ്ണ വാർത്ത കാണാം)

പുതിയതാമസത്തിനുള്ള സാധനങ്ങളുമായി നാട്ടിൽ നിന്നു റോഡ് മാർഗ്ഗം തിരിച്ച രജനിയുടെ മാതാപിതാക്കളും സഹോദരിയും ബാംഗ്ലൂരിലെ ബന്ധുവിന്റെ വീട്ടിലെത്തിച്ചേർന്നിരുന്നു. വൈവാഹിക ജീവിതത്തിലെ ആദ്യദിനങ്ങളിലെ പൊരുത്തക്കേടാണു കൊലപാതകത്തിന്നിടയാക്കിയതെന്നാണു സൂചന എന്നാണ് ആർ ടി നഗർ സബ് ഇൻസ്പെക്ടർ വെങ്കിടേഷ് പറഞ്ഞു. ധാരാളം രക്തം വാർന്നു മരിച്ച നിലയിലായിരുന്നു രജനി.

മൽ‌പ്പിടുത്തത്തിനിടെയുണ്ടായതെന്നു കരുതുന്ന നിസാര പരിക്കുകളോടെ ഹെബ്ബാൾ ബാപ്റ്റിസ്റ്റ് ആശുപത്രിയിൽ പ്രവേശിപ്പിച്ച ബിജോയി ചോദ്യം ചെയ്യാലിലാണ് കുറ്റം സമ്മതിച്ചതെന്നു പോലീസ് പറഞ്ഞു

മാതൃഭൂമി :

മലയാളിയായ നവവധുവിനെ ഭര്‍ത്താവ് കഴുത്തു ഞെരിച്ച് കൊന്നു. തിരുവല്ല കുറ്റപ്പുഴ ഹൗസിങ്‌ബോര്‍ഡ് കോളനി ‘പ്രതീക്ഷ’യില്‍ രാജന്‍ജോണിന്റെ മകള്‍ രജനി രാജനാണ് (25) വിവാഹം കഴിഞ്ഞ് ആറാം നാള്‍ ബാംഗ്ലൂരിലെ ആര്‍.ടി. നഗര്‍ ഗംഗാനഗര്‍ മുത്തപ്പ ബ്ലോക്കിലെ വസതിയില്‍ കൊല്ലപ്പെട്ടത്. സംഭവത്തിനുശേഷം ആത്മഹത്യയ്ക്കു ശ്രമിച്ച ഭര്‍ത്താവ് ബിജോയ് സാമുവലിനെ (29) ആര്‍.ടി. നഗര്‍ പോലീസ് അറസ്റ്റ് ചെയ്തു. ഭോപ്പാലില്‍ സ്ഥിരതാമസമായ മലയാളിയാണ് ബിജോയ്.

വെള്ളിയാഴ്ച രാവിലെ 7.30-നാണ് സംഭവം. കഴിഞ്ഞ ശനിയാഴ്ച തിരുവല്ലയില്‍വെച്ചായിരുന്നു ഇവരുടെ വിവാഹം. വിവാഹശേഷം ആദ്യമായി ജോലിസ്ഥലത്തേക്ക് തിരിച്ച ഇവര്‍ ഐലന്‍ഡ് എക്‌സ്​പ്രസ്സില്‍ വെള്ളിയാഴ്ച രാവിലെയാണ് ബാംഗ്ലൂരിലെത്തിയത്. വീട്ടിലെത്തിയ ശേഷം അരമണിക്കൂറിനുള്ളീല്‍ ഇവര്‍ തമ്മില്‍ നടന്ന നിസ്സാര കലഹമാണ് കൊലയില്‍ കലാശിച്ചതെന്ന് പോലീസ് പറഞ്ഞു. പെട്ടെന്നുണ്ടായ പ്രകോപനമാണ് കൊലയ്ക്ക് കാരണമായതെന്ന് ബിജോയ് മൊഴി നല്‍കിയിട്ടുണ്ട്.
സംഭവത്തിനുശേഷം കൈയിലെ ഞരമ്പ് മുറിച്ച് ഇയാള്‍ ആത്മഹത്യയ്ക്ക് ശ്രമിച്ചു. ഫ്‌ളാറ്റിനുള്ളില്‍നിന്ന് ഇയാളുടെ ഞരക്കം കേട്ട ബിജോയിയുടെ സഹോദരനാണ് വിവരം ആദ്യമറിഞ്ഞത്. തുടര്‍ന്ന്‌രക്തം വാര്‍ന്ന നിലയില്‍ ഇയാളെ ബാപ്റ്റിസ്റ്റ് ആസ്​പത്രിയില്‍ പ്രവേശിപ്പിച്ചു. വൈകിട്ട് പോലീസ് അറസ്റ്റ് ചെയ്തു.

കേരളകൌമുദി :

അഞ്ചുദിവസം മുമ്പ് വിവാഹിതരായി, പുതിയ ഫ്ലാറ്റിൽ താമസത്തിനെത്തിയ ദിവസം തന്നെ വാക്കേറ്റം മൂത്ത് ഭർത്താവ് ഭാര്യയെ കഴുത്തുഞെരിച്ചുകൊന്നു. തിരുവല്ല കുറ്റിപ്പുഴ പ്രതീക്ഷാ ഹൌസിൽ രാജൻ ജേക്കബിന്റെ മകൾ രജനി രാജൻ (24) ആണ് മരിച്ചത്. കൊലപാതകത്തെതുടർന്ന് ഭർത്താവ് ബിജോയ് സാമുവൽ (29) കൈ ഞരമ്പ് മുറിച്ച് ആത്മഹത്യയ്ക്ക് ശ്രമിച്ചെങ്കിലും രക്ഷപെട്ടു. പോലീസ് ഇയാളെ അറസ്റ്റുചെയ്തു.

മനോരമയുടെ ലേഖകൻ പറയുന്നത്  “ധാരാളം രക്തം വാർന്നു മരിച്ച നിലയിലായിരുന്നു രജനി “ എന്നാണ്  രക്തം കണ്ടപ്പോൾ അത് മരിച്ച ആളിന്റെ ആയിരിക്കും എന്ന് കരുതിയതാണോ ആവോ . ഈ മനോരമക്കാരന്മാരുടെ ഓരു കാര്യമേ എന്നാലും എന്റെ മാത്തുക്കുട്ടിച്ചായാ….