Archive for the ‘വാർത്ത’ category

മുല്ലപ്പെരിയാർ പ്രശ്നത്തിന് പരിഹാരം ആവുന്നു

December 27, 2011

പതിനായിരത്തിൽ പരം കോടി രൂപയുടെ ദുരന്തനിവാരണ കർമ്മ പദ്ധതിയുമായുടെ കരട് കേന്ദ്രത്തിന് അയക്കാൻ തിരുവഞ്ചൂർ രാധാകൃഷ്ണൻ തയ്യാറെടുക്കുന്നു. എല്ലാവരും ഒരു ദുരന്തം ഉണ്ടാകാതിരിക്കാൻ എന്ത് നടപടി സ്വീകരിക്കണം എന്ന് ചിന്തിക്കുമ്പോൾ, അതുണ്ടായിക്കഴിഞ്ഞ് എന്ത് നടപടികൾ നാം സ്വീകരിക്കണം എന്നാണ് കേരളസർക്കാരും, അങ്ങനെ മാത്രമേ ചിന്തിക്കാവു എന്ന് കേന്ദ്രത്തിലെ രാജാക്കന്മാരും തീരുമാനിക്കുന്നു. ഈ തിരക്കഥയുടെ ആരംഭമായിരുന്നു “സർവ്വകക്ഷി ചായകുടി” എന്ന ചടങ്ങ് ഡെൽഹിയിൽ നടത്തിയത്. മന്മോഹൻ നൽകിയ ചായയും ഊ…. അല്ലെങ്കിൽ വേണ്ട, കുടിച്ച് കിട്ടിയവണ്ടിക്ക്  “രാഷ്ട്രീയം മാത്രം” കയ്കാര്യം ചെയ്യുന്നവർ കേരളത്തിലേയ്ക്ക് കയറി. രണ്ടാം ഘട്ട “ദൃശ്യാവിഷക്കാരം “ ഉന്നതാധികാര സമതിയുടെ മുല്ലപ്പെരിയാർ സന്ദർശനം.  അതിൽ മലയാളികളുടെ മുഖമടച്ച് അടിച്ച് തിട്ടേ മുതലാളി മലയാളി പ്രതിനിധികളോട് തട്ടിക്കയറി “ യൂ ഷട്ടപ്പ് അപ്പി” അതോടെ പൃഷ്ടം തിരിക്കേണ്ട ഗതികേടിലായ് മടങ്ങി, പിന്നെ  പറഞ്ഞു ഞങ്ങൾ ബഹിഷ്ക്കരിക്കുന്നു. തമിഴന്റെ തൈര് സാദവും കൂട്ടി ഊപ്പാടും കഴിഞ്ഞ് സാറന്മാർ  ഡെൽഹിക്ക് പറന്നു.

മൂന്നാം ഘട്ടം അല്പം കൂടെ ഊർജ്ജസ്വലമായി, മന്മോഹർ സായ്‌വ്. ഇങ്ങ് ചെന്നയിൽ എത്തി അമ്മതമ്പുരാട്ടിയെ മുഖം കാണിക്കാനും സഹായം  ഉറപ്പാക്കാനും. മന്മോഹൻ തന്റെ വിധേയത്വം (40 സീറ്റ്) വെളിപ്പെടുത്താൻ യാതൊരു വൈക്ലബ്യവും കാട്ടിയതുമില്ല മുല്ലപെരിയാറ് അണക്കെട്ടിന് കേന്ദ്ര സംരക്ഷണം   എന്ന് വാക്കും  കലൈഞ്ചർക്ക്  കൊടുത്തു. ഫലത്തിൽ ജയലളിത മുന്നോട്ട് വച്ച കാര്യങ്ങൾ രാഷ്ട്രീയ തലത്തിൽ കോൺഗ്രസ്സും, നിയമതലത്തിൽ ഉന്നതിധികാര സമതിയും നിറവേറ്റും. ചുരുക്കിപ്പറഞ്ഞാൽ ഇരകളായേക്കാവുന്ന സാധാരണക്കാരായവർ ഇനീ തിരുവഞ്ചൂരിന്റെ 10000 കോടിയിൽ കണ്ണും നട്ടിരിക്കുക. കേന്ദ്രം വലിപ്പിച്ചില്ലങ്കിൽ ആ തുക ശവപ്പെട്ടി, ശവം തിരയൽ, ഒലിച്ചുപോയവർക്കായ് സ്മാരകം പണിയൽ, ഒലിച്ചുപോയത് നേരിൽ നിരീക്ഷിക്കാൻ “ഹെലികോപറ്റർ” നിരീക്ഷണത്തിന്,  ഇടുക്കിയിൽ ഹെലിപാട് നിർമ്മാണത്തിന്, ഒഴുക്കിൽ പെട്ട് ആയുസ്സിന്റെ ബലം കൊണ്ട് രക്ഷപെട്ടവരെ കൗൺസിലിംഗിന് വിധേയമാക്കാനും, അവരെ അനാഥാലയങ്ങളിൽ പാർപ്പിക്കാനും മറ്റുമായി ലഭിച്ചേക്കാം അങ്ങനെ ഏറെ കൊട്ടിഘോഷിച്ച് ജോസഫ് കൊളുത്തിയ ജലബോംബ് വെറും ഫേക്ക്ബോംബ് ആയി അങ്ങനെ മുല്ലപെരിയാർ പ്രശ്നം പരിഹരിക്കപ്പെടുന്നു

വാൽ:- ഇതിൽ നഷ്ടം വന്നത് തമിഴ്നാട്ടിലെ പ്രവാസികൾക്ക് മാത്രം………………….

Advertisements

ഒരു കുരുന്നുജീവൻ………………

October 27, 2011

കുറച്ച് ദിവസം മുപ് ചൈനയിൽ ഒരു രണ്ട് വയസ്സുകാരി വണ്ടിതട്ടി മരിച്ചു അതിന്റെ ക്ലിപ്പിംഗ് ആരേയും വേദനിപ്പിക്കുന്നതായിരുന്നു. അത് ഓരോ തവണ കാണുമ്പോഴും ഞാൻ അങ്ങനെ അല്ല അങ്ങനെ ആകരുതേ എന്ന് “ദയ” എന്ന വികാരമുള്ളവർ മനമുരുകി പ്രാർത്ഥിക്കും. നമ്മുടെ പത്രങ്ങളും പ്രാധാന്യത്തോടെ തന്നെയാണ് ആ വാർത്ത നൽകിയത്. ഈ കഴിഞ്ഞ ദിവസം അന്ന് ഞാൻ കണ്ട ക്ലിപ്പിംഗിൽ ഇല്ലാതിരുന്നതും, തലപെരുപ്പിക്കുന്നതുമായ അതിന്റെ തുടർ രംഗങ്ങൾ കാണാൻ ഇടയായി, ഒപ്പം കുറച്ച് താരതമ്യ ശ്രമങ്ങളും, ബാക്കി ഇവിടെ വായിക്കാം

അത് നിങ്ങളുടെ കുട്ടി ആയിരുന്നെങ്കിൽ ??

February 28, 2011

ചൈൽഡ് ഹെല്പ് ലൈൻ :

1098


(http://www.childlineindia.org.in/)


കൂടുതൽ വിവരങ്ങൾ ഇവിടെ

ഇതുകൂടെ വായിക്കുക

നാല് മന്ത്രിമാരും കുറേ പ്രതീക്ഷകളും

January 20, 2011

ങ്ങനെ നമ്മുടെ പ്രശ്നങ്ങൾ എല്ലാം മാറാൻ പോകുന്നു. കേരളത്തെ ഇത്രയും കാര്യമായ് ഗൌനിച്ച മറ്റൊരു (കോൺഗ്രസ്സ് ) കേന്ദ്രസർക്കാർ ഇതിന് മുൻപ് ഉണ്ടായിട്ടില്ല എന്ന് പറയാം.പ്രമോഷൻ കിട്ടിയ മൂന്ന് മന്ത്രിമാരും സഹനായി കെ.സി. വേണുഗോപാൽ എന്ന പുതുമുഖവും.  ശശിയണ്ണന്റെ ക്രിക്കറ്റ് “പ്രേമം” കസേര തെറിപ്പിച്ചെങ്കിലും ആശ്വാസമാകുകയാണ് കെ.സിയുടെ നിയമനം.

രവിച്ചേട്ടൻ പ്രവാസികൾക്കായി വളരെ ഉദാരവും കാര്യക്ഷമവുമായ പ്രവർത്തനം കാഴ്ച്ചവയ്ക്കുമെന്ന് പ്രതീക്ഷിക്കുന്നു. വെള്ളാനകളുടെ മേച്ചിൽ‌പ്പുറമായ എയർ ഇന്ത്യ ഇനീ നന്നാവും എന്ന് കരുതാം. വൈപ്പൌട്ട് ചെയ്യേണ്ട കുറേ രീതിശാസ്ത്രം ഉണ്ട് വടക്കേ ഇന്ത്യൻ ലോബികളുടെ കൈയ്യിലായിരുന്ന  എയർ ഇന്ത്യയിൽ. കേരളീയരായ പ്രവാസികളോട് എന്നും അവഗണന മാത്രമേ വ്യോമയാന വകുപ്പും എയർ ഇത്യയും കാട്ടിയിട്ടുള്ളു. തലേൽ കെട്ടുള്ളതോ പേരിന്റെ വാലായി സിംഗ് അല്ലെങ്കിൽ മറ്റേതെങ്കിലും അലങ്കാര വാൽ ഉണ്ടെങ്കിലെ  ഈ വകുപ്പോ എയർ ഇന്ത്യയിലെ സാറന്മാരോ ഗൌനിക്കയുള്ളു. എല്ലാ നിയന്ത്രണങ്ങളും കാറ്റിൽ പറത്തിക്കൊണ്ടാണ് ഗൾഫ് സെക്ടറിലെ എയർ ഇന്ത്യയുടെ വിമാന സർവ്വീസുകൾ റദ്ദാക്കുന്നത്. ഈ കൊടും ചതികൾ മിക്കപ്പോഴും യു.എ.ഇ ലെ  വിമാനത്താവളങ്ങളെ മിഠായി തെരുവാക്കാറുണ്ട്. ഉയർന്ന എയർ ഫെയർ നൽകേണ്ടി വരുന്നതിനാൽ ഭൂരിഭാഗം വരുന്ന അടിസ്ഥാന വർഗ്ഗത്തിൽ പെട്ട പ്രവാസികൾ തങ്ങളുടെ  വെക്കേഷൻ രണ്ടോ മൂന്നോ വർഷം കൂടുമ്പോൾ ആക്കാറുണ്ട്. ഇതിനൊക്കെ ഒരു അയവ് വരും എന്നാണ് എല്ലാ പ്രവാസികളുടേയും പ്രതീക്ഷ.

ഉപഭോക്തൃസംസ്ഥാനമായ കേരളം .കെ.വി.തോമസ്സിന്റെ സ്ഥാനക്കയറ്റം ആശ്വാസത്തോടെ ആണ് കാണുന്നത്.  ഭക്ഷ്യ, പൊതുവിതരണ, ഉപഭോക്തൃകാര്യവകുപ്പുകളുടെ സ്വതന്ത്ര ചുമതലയാണ് അദ്ദേഹത്തിന് ലഭിച്ചത്. പൊതുവിതരണ മേഖലയെ ശക്തിപ്പെടുത്തേണ്ടതിന്റെ ആവശ്യകത ഉത്തമ ബോധ്യമുള്ള വ്യക്തിയാണ് ശ്രീ കേ.വി.തോമസ് അതുകൊണ്ടുതന്നെ അതിനായ് അദ്ദേഹം ശ്രമിക്കും എന്ന് വിശ്വസിക്കാം. കെ.സി.വേണുഗോപാലിന്റെ ഊർജ്ജ സഹമന്ത്രി സ്ഥാനവും നമുക്ക് ഗുണം ചെയ്യുമാരിയിക്കും. കേരളത്തിലെ കേന്ദ്രമന്ത്രിമാർ കേരളത്തിനായ് ഒന്നും ചെയ്യാറില്ല എന്നതിന് ഇവർ അപവാദമായിക്കട്ടെ.

എന്തരോ എന്തോ…….

അറിവിന്റെ അനന്ത സാഗരം

October 11, 2010

അറിവിന്റെ  അക്ഷയ നിധിയാണ് ഇന്റർനെറ്റ്, വിജ്ഞാനം വിരൽ തുമ്പിൽ എന്നു പറയുന്നതായിരിക്കും ശരി, പ്രോസസ്സറിന്റെ സ്പീഡ് അനുസരിച്ച് അറിവുകളുടെ കിളിവാതിൽ നിങ്ങൾക്ക് മുന്നിൽ നൊടി‌ഇടയിൽ തുറക്കുന്നു. ഇങ്ങനെ ഇന്റെനെറ്റിന്റെ ഗുണവശങ്ങൾ അനന്തമായി തുടരുമ്പോഴും മരണത്തിന്റെ മണിമുഴക്കവുമായി ചില പേജുകൾ തുറക്കപ്പെടുന്നു. അങ്ങനെ ഒരു വാർത്തയാണ് ഇന്ന് പത്രങ്ങൾ വിളമ്പിയത്. ചവറ സ്വദേശിയായ മനോഹരൻ എന്ന 45 വയസ്സുകാരനും ഏകമകൾ 12 വയസ്സുകാരി മോണിഷയും.

തന്റെ ഭാര്യയുടെ നഗ്നഫോട്ടോ ഇന്റെർ നെറ്റിലൂടെ പ്രചരിക്കുന്നുണ്ട് എന്ന് അറിയുകയും അത് തന്റെ സുഹൃത്തിന്റെ കമ്പ്യൂട്ടറിൽ നിന്നും ബോധ്യപ്പെടുകയും ചെയ്തപ്പോൾ ആ സാധുമനുഷ്യന്റെ വിവേചന ശക്തി മരണത്തിന്റെ വഴിയാണ് തിരഞ്ഞെടുത്തത്.(കൂടുതൽ വാർത്ത ലിങ്കിൽ നിന്നും വായിക്കാം) സദാചാരത്തിന്റെ നൂലിഴകളാൽ ബന്ധിതമായ നമ്മുടെ കുടുംബബന്ധങ്ങൾ ഇത്തരം വാർത്തകൾ തകർത്ത് തരിപ്പണമാക്കും എന്ന് ഞാനും നിങ്ങളും അടങ്ങുന്ന ഈ സമൂഹത്തിന് നന്നായി അറിയാം എന്നിട്ടും അടുത്തവന്റെ ഭാര്യയുടെ, മകളുടെ, അമ്മയുടെ ഒക്കെ നഗ്നചിത്രങ്ങൾ കാണാൻ ആസ്വദിക്കാൻ, മറ്റുള്ളവർക്ക് ആസ്വദിക്കാൻ ഒക്കെ നാം അവസരങ്ങൾ തേടിപ്പോകുകയും, അവസരങ്ങൾ ഉണ്ടാക്കി കൊടുക്കുകയും ചെയ്യുമ്പോൾ ഭാരതീയനെ, മലയാളിയെ ഗ്രസിക്കുന്ന രോഗാവസ്ഥ എത്രമാത്രം ഭയമുളവാക്കുന്നതാണ് എന്ന സത്യം ഞെട്ടിക്കുന്നതാണ്. രോഗാതുരമായ നമ്മുടെ മനസ്സ് പുതിയ സാങ്കേതികതയുടെ ആഴവും പരപ്പും ഇത്തരം ജീർണ്ണതകൾക്കായി ഉപയോഗിക്കുമ്പോൾ, ആര് അതിനെ നിയന്ത്രിക്കും എന്നത് ഒരു കീറാമുട്ടിയാകുന്നു.

ഇത്തരം ജീർണ്ണതകളെ  ശാശ്വതമായ തുടച്ചു നീക്കേണ്ടത് അനിവാര്യമായ ഒന്നാണ്. ദുർബ്ബലനായ ഒരു മനുഷ്യന്റെ ഭാര്യയെ കുറെ ആളുകൾ ചേർന്ന് പീഠിപ്പിക്കുക അതിന് ശേഷം അവരുടെ നഗ്നഫോട്ടോ ഇന്റെർ നെറ്റിൽ പോസ്റ്റ് ചെയ്യുക. ഇതൊക്കെ ഒരു സാക്ഷര സമൂഹത്തിന് ചേർന്ന താണോ ?? പിന്നെ എന്തിനാണ് ഇവിടെ ഒരു നിയമവും നിയമ വ്യവസ്ഥിതിയും ???, ഈ വാർത്ത കേരളത്തിലെ ആദ്യ സംഭവം ഒന്നുമല്ല. സമാന സ്വഭാവമുള്ള എത്ര സംഭവങ്ങൾ പത്രങ്ങൾ റിപ്പോർട്ട് ചെയ്തിരിക്കുന്നു സ്വന്തം ഭാര്യയുടെ നഗ്നചിത്രങ്ങൾ ഓർക്കൂട്ടിൽ പോസ്റ്റ് ചെയ്ത പ്രവാസി മലയാളി മുതൽ കുടിവെള്ളം കൊടുത്ത വീട്ടമ്മയെ ചുംബിച്ച് മൊബയിൽ ചിത്രമെടുത്ത് ലൈംഗികമായി പീഠിപ്പിച്ച കൌമാരക്കാരൻ വരെ. ഇതിലെ പ്രതികൾ എത്രപേർ ശിക്ഷിക്കപ്പെട്ടിട്ടുണ്ട് ??  എന്ത് ശിക്ഷയാണ് നാം നൽകാൻ പ്രാപ്തരായത്.  ശിക്ഷകൾ കുറ്റം ചെയ്തതിന്റെ ശിക്ഷമാത്രമല്ല. അത് സമൂഹത്തിനുള്ള മുന്നറിയിപ്പായിരിക്കണം.ശിക്ഷയുടെ കാഠിന്യം കുറ്റകൃത്യങ്ങൾ ഇല്ലാതിക്കും എന്ന് പറയുന്നില്ല എന്നാൽ അതിന്റെ എണ്ണത്തിൽ കുറവുണ്ടാക്കും.മനുഷ്യാവകാശം അത് അർഹതപ്പെട്ടവനെ നൽകാവു, അല്ലാതെ മനുഷ്യാവകാശദ്വംസകർക്കുള്ളതല്ല.( മകളെ പീഠിപിച്ച പിതാവിന് ഫിലീപ്പിൻസിൽ കിട്ടിയ ശിക്ഷ നോക്കു 14600 വർഷം. ഒരു വർഷം സ്ഥിരമായി മകളെ പീടിപ്പിച്ച അച്ഛന് ഓരോ പീഠനത്തിനും 40 വർഷം വീതം തടവ്) ജീവപര്യന്തം എന്നാൽ 14 വർഷം അല്ല എന്ന് സുപ്രീം കോടതി ഒരിക്കൽ ചൂണ്ടിക്കാണിക്കുകയുണ്ടായി, പക്ഷേ നമ്മുടെ രാഷ്ട്രീയക്കാർ ഇതൊന്നും ശ്രദ്ധിക്കാറില്ല…. അതെ അവർ ഒന്നും ശ്രദ്ധിക്കാറില്ല തങ്ങളുടെ കുടുംബത്തിലുള്ളവർക്ക് വരുമ്പോൾ ഒഴികെ!!!!!!!!!!!!!!!!!

ഇവരിലാരാ ശരി ??

September 1, 2010

ആന്റണിയെ കൊന്നത് ചീങ്കണ്ണിയോ ? നീർ നായോ… വാർത്തകളുടെ ഓരോ “മാന” ങ്ങളേ!!!

“ചാലക്കുടി: ചാലക്കുടി പുഴയില്‍ കൊടുങ്ങാപ്പുഴ ക്ഷേത്രത്തിനുസമീപം മീന്‍ പിടിക്കുകയായിരുന്ന ആളെ ചീങ്കണ്ണി കടിച്ചുകൊന്നു. കാടുകുറ്റി സ്വദേശി ആന്റണി (56 ) ആണ് മരിച്ചത്.“

വാർത്ത മാതൃഭൂമി.(link)

തൃശൂർ: ചാലക്കുടി പുഴയിൽ അന്ന നാട് ഭാഗത്ത് മീൻ പിടിക്കാനിറങ്ങിയയാളെ നീർനായ കടിച്ചു കൊന്നു. കാടുകുറ്റി കാവലം പറമ്പിൽ ആന്റണി (55) ആണ് മരിച്ചത്

വാർത്ത കേരളകൌമുദി

മനോരമയുടെ തനതായ ശൈലി

May 2, 2010

വാർത്തകൾ മനോരമ ലേഖകന്റെകയ്യിൽ വരുമ്പോൾ അതിന് അതിന്റേതായ ഒരു ശൈലി രൂപം കൊള്ളുന്നു മറ്റുപത്രങ്ങളിൽ നിന്നും മനോരമ വെത്യസ്ഥമാകുന്നതും അതുകൊണ്ടുതന്നെയാണ്, വായിച്ച് കഴിഞ്ഞ് ആക്രിക്കാരന് തൂക്കിവിറ്റാൽ കൊടുത്ത കാശും മുതലാകും, പത്രത്തിന്റെ ഓരോ ധർമ്മങ്ങളെ, ഒരു മരണവാർത്ത മനോരമയിലും, മറ്റ് പത്രങ്ങളിലും എങ്ങനെ വന്നു എന്നുകാണുക. (പ്രസക്തഭാഗങ്ങൾ)

മനോരമ : (ലിങ്കുകളിലൂടെ പൂർണ്ണ വാർത്ത കാണാം)

പുതിയതാമസത്തിനുള്ള സാധനങ്ങളുമായി നാട്ടിൽ നിന്നു റോഡ് മാർഗ്ഗം തിരിച്ച രജനിയുടെ മാതാപിതാക്കളും സഹോദരിയും ബാംഗ്ലൂരിലെ ബന്ധുവിന്റെ വീട്ടിലെത്തിച്ചേർന്നിരുന്നു. വൈവാഹിക ജീവിതത്തിലെ ആദ്യദിനങ്ങളിലെ പൊരുത്തക്കേടാണു കൊലപാതകത്തിന്നിടയാക്കിയതെന്നാണു സൂചന എന്നാണ് ആർ ടി നഗർ സബ് ഇൻസ്പെക്ടർ വെങ്കിടേഷ് പറഞ്ഞു. ധാരാളം രക്തം വാർന്നു മരിച്ച നിലയിലായിരുന്നു രജനി.

മൽ‌പ്പിടുത്തത്തിനിടെയുണ്ടായതെന്നു കരുതുന്ന നിസാര പരിക്കുകളോടെ ഹെബ്ബാൾ ബാപ്റ്റിസ്റ്റ് ആശുപത്രിയിൽ പ്രവേശിപ്പിച്ച ബിജോയി ചോദ്യം ചെയ്യാലിലാണ് കുറ്റം സമ്മതിച്ചതെന്നു പോലീസ് പറഞ്ഞു

മാതൃഭൂമി :

മലയാളിയായ നവവധുവിനെ ഭര്‍ത്താവ് കഴുത്തു ഞെരിച്ച് കൊന്നു. തിരുവല്ല കുറ്റപ്പുഴ ഹൗസിങ്‌ബോര്‍ഡ് കോളനി ‘പ്രതീക്ഷ’യില്‍ രാജന്‍ജോണിന്റെ മകള്‍ രജനി രാജനാണ് (25) വിവാഹം കഴിഞ്ഞ് ആറാം നാള്‍ ബാംഗ്ലൂരിലെ ആര്‍.ടി. നഗര്‍ ഗംഗാനഗര്‍ മുത്തപ്പ ബ്ലോക്കിലെ വസതിയില്‍ കൊല്ലപ്പെട്ടത്. സംഭവത്തിനുശേഷം ആത്മഹത്യയ്ക്കു ശ്രമിച്ച ഭര്‍ത്താവ് ബിജോയ് സാമുവലിനെ (29) ആര്‍.ടി. നഗര്‍ പോലീസ് അറസ്റ്റ് ചെയ്തു. ഭോപ്പാലില്‍ സ്ഥിരതാമസമായ മലയാളിയാണ് ബിജോയ്.

വെള്ളിയാഴ്ച രാവിലെ 7.30-നാണ് സംഭവം. കഴിഞ്ഞ ശനിയാഴ്ച തിരുവല്ലയില്‍വെച്ചായിരുന്നു ഇവരുടെ വിവാഹം. വിവാഹശേഷം ആദ്യമായി ജോലിസ്ഥലത്തേക്ക് തിരിച്ച ഇവര്‍ ഐലന്‍ഡ് എക്‌സ്​പ്രസ്സില്‍ വെള്ളിയാഴ്ച രാവിലെയാണ് ബാംഗ്ലൂരിലെത്തിയത്. വീട്ടിലെത്തിയ ശേഷം അരമണിക്കൂറിനുള്ളീല്‍ ഇവര്‍ തമ്മില്‍ നടന്ന നിസ്സാര കലഹമാണ് കൊലയില്‍ കലാശിച്ചതെന്ന് പോലീസ് പറഞ്ഞു. പെട്ടെന്നുണ്ടായ പ്രകോപനമാണ് കൊലയ്ക്ക് കാരണമായതെന്ന് ബിജോയ് മൊഴി നല്‍കിയിട്ടുണ്ട്.
സംഭവത്തിനുശേഷം കൈയിലെ ഞരമ്പ് മുറിച്ച് ഇയാള്‍ ആത്മഹത്യയ്ക്ക് ശ്രമിച്ചു. ഫ്‌ളാറ്റിനുള്ളില്‍നിന്ന് ഇയാളുടെ ഞരക്കം കേട്ട ബിജോയിയുടെ സഹോദരനാണ് വിവരം ആദ്യമറിഞ്ഞത്. തുടര്‍ന്ന്‌രക്തം വാര്‍ന്ന നിലയില്‍ ഇയാളെ ബാപ്റ്റിസ്റ്റ് ആസ്​പത്രിയില്‍ പ്രവേശിപ്പിച്ചു. വൈകിട്ട് പോലീസ് അറസ്റ്റ് ചെയ്തു.

കേരളകൌമുദി :

അഞ്ചുദിവസം മുമ്പ് വിവാഹിതരായി, പുതിയ ഫ്ലാറ്റിൽ താമസത്തിനെത്തിയ ദിവസം തന്നെ വാക്കേറ്റം മൂത്ത് ഭർത്താവ് ഭാര്യയെ കഴുത്തുഞെരിച്ചുകൊന്നു. തിരുവല്ല കുറ്റിപ്പുഴ പ്രതീക്ഷാ ഹൌസിൽ രാജൻ ജേക്കബിന്റെ മകൾ രജനി രാജൻ (24) ആണ് മരിച്ചത്. കൊലപാതകത്തെതുടർന്ന് ഭർത്താവ് ബിജോയ് സാമുവൽ (29) കൈ ഞരമ്പ് മുറിച്ച് ആത്മഹത്യയ്ക്ക് ശ്രമിച്ചെങ്കിലും രക്ഷപെട്ടു. പോലീസ് ഇയാളെ അറസ്റ്റുചെയ്തു.

മനോരമയുടെ ലേഖകൻ പറയുന്നത്  “ധാരാളം രക്തം വാർന്നു മരിച്ച നിലയിലായിരുന്നു രജനി “ എന്നാണ്  രക്തം കണ്ടപ്പോൾ അത് മരിച്ച ആളിന്റെ ആയിരിക്കും എന്ന് കരുതിയതാണോ ആവോ . ഈ മനോരമക്കാരന്മാരുടെ ഓരു കാര്യമേ എന്നാലും എന്റെ മാത്തുക്കുട്ടിച്ചായാ….